Elbasymen birgemiz!

QAZAQSTANDYQTAR N.NAZARBAEVTYŃ PREZIDENTTIK О́KILETTIGIN UZARTÝDY QOLDAIDY EL BIRLIGIN SAQTAǴAN Qazaq degen eldenbiz, Ǵajap kenen jerdenbiz. Bodandyqtan bosanyp, Erkindikke engenbiz. San azapty kórgenbiz, Myń tirilip, ólgenbiz. Atoı salyp dushpanǵa, Aıqastarda jeńgenbiz. Bárine de sengenbiz, Bárine de kóngenbiz. Tómendegi bosqynǵa, Tórden oryn bergenbiz. El birligin bólmeımiz, Barlyǵyn bir teń deımiz. Eldik týyn kótergen, Elbasyna ergenbiz. Keńge qanat kergenbiz, Erge talap bergenbiz. Erlik týyn kótergen, Elbasyna ergenbiz. Asqar taýly beldenbiz, Aıdyn shalqar kóldenbiz. Elde yrys uıytqan, Elbasyna ergenbiz. Alysqa qol sermermiz, Talaı órge órlermiz. Ǵajap darhan kóńili, Qazaq degen eldenbiz. Buljymaıdy múddemiz, Buzylmaıdy irgemiz. El birligin saqtaǵan, Elbasymen birgemiz. Mahmutbaı ÁMIREULY, Qazaqstan Jazýshylar odaǵynyń múshesi. Qyzylorda.

* * *

BASTAǴY BAQTY BAǴALAIYQ, BAÝYRLAR!

Men Aqtóbe oblysynyń Temir aýdanynyń azamatymyn. Bilimim – joǵary, mamandyǵym – muǵalim, soǵys jyldaryndaǵy eńbek ardagerimin. 1949 jyly mektep bitirip, Almatynyń Abaı atyndaǵy ýnıversıtetine oqýǵa túskenimde Aq­tóbe qalasyn da kórmeı, bilmeı keldim. Keńestik kezeńde oqyp, tárbıe aldyq, erjettik, eseıdik. Onyń ber jaǵynda táýelsiz memleket bolǵanymyzdy da kórip, qal-qaderimizshe qyzmet jasadyq. Shirkin, táýelsizdik, ne degen qymbat, ne degen qadirli ediń bizdiń halqymyz úshin! Ne degen asqaq ediń, ne degen armandy ediń! Halqymyz táýelsizdikti ǵa­syr­lar boıy ańsady, armandady. Sonda da saǵan degen senimin joǵaltpady, alǵa úmitti senimmen qarady. Sol bir jaqsylyqty adam­nan emes, Alladan tiledi, ja­lyndy. Aqyry aqqa qudaı jaq de­gendeı, aq túıe­niń qarny ja­ryl­ǵandaı qýa­nysh­pen táýel­siz­digimiz qolymyzǵa tıip, máre-sáre shattyqqa bólendik. Táýelsiz memleketimiz kóshbas­shylyq qyzmetin Nursultandaı dana ulyna ustatty. Táýelsiz mem­leketimizdiń Tuńǵysh Prezıdenti Nursultan Nazarbaev bul qyz­metke mol tájirıbemen, asqan bilim-bilikpen, ózine ǵana tán dara dana­lyq­pen kiristi. Tolyqqan, kemel jasqa kelgen shaǵy. El-jurty­myz­dyń ortasyn­da oıly da parasatty keıpinen jańyl­maı, myna beıdaýa zaman­nyń jeline ilesip, táýelsizdik atty ǵajaıyp uly kúshtiń dúm­pýine des bermeı, qıly da qıyn kúnderdi bastan keship jatqan halqymyzben ámse birge kele jat­qany – elimizge qut-bereke ornat­qandaı, jerimizge beıbitshilik týyn jelbiretip, hal­qy­myzǵa birlik, jarastyqty tirlik berip kele jatqan aıtýly azamat ekendigi bar­shamyzǵa belgili. Men Astananyń qazirgi keskin-kelbetin, sán saltanatyn birinshi kórýim. Ásem qala, jas qala, bas qala degen sózderdi radıodan, teledıdardan, bolǵan, kórgen adamdardan estýim bar edi de, qashan kóremin  degen armanda edim, sáti túsip ara­laǵanymda aýzymdy ashyp ańy­ryp turyp qalyppyn, ertegilerde ǵana kezdesetin ǵajap dúnıelerge eligip, eltip qaraı bergim keledi. Jyraýlar aıtatyn terme, aqyn­dar aıtatyn aıtys­tyń taqy­ryby suranyp-aq tur, shirkin! Shyn­dy­ǵyn aıtqanda, az ǵana jyl shamasynda mundaı qala salý eshkimniń de qolynan kelmes edi, eshkimniń batyly da barmas edi. Istiń júıesin tapqan – túıin­niń shıesin sheshedi degen maqal Nurekeńdeı rýhy ór, orny tór Kóshbasshyǵa ǵana aıtylar. Táýelsizdiktiń alǵashqy jyl­darynda ekonomıkalyq jaǵdaıy­myz óte aýyr bolatyn. Soǵan qa­ra­m­astan Prezıdent astanany Al­ma­tydan Aqmolaǵa kóshirýdiń qam-qareketimen júrdi. Nurekeń 1997 jy­ly jeltoqsan aıynyń alǵashqy jartysynda kó­shirý má­se­lesin tú­be­geıli sheshti de, ózi bastap Aq­moladan bir-aq shyq­ty. Kút­ken­de­rindeı qıyndyqtarda shek bolma­dy, keńselerdiń orna­lasýy, adam­dar­dyń jatatyn oryn­dary, oǵan qosa Saryarqanyń qy­ty­myr sary aıazy, azynaǵan jeli shy­dat­pasa da kóndigýge týra keldi. Demek, jańa orynǵa qonys aý­darýy­myz elimiz­diń ekonomıka­sy­nyń qa­ryshtap ósýine septigin tıgizgendigi aqıqat. Prezıdenttiń oı­laý órisiniń keń­digi, aqyly men sabyryn qustyń qos qanatyndaı qurmetteýi, jan dúnıe­siniń moldyǵy, iskerligi, tap­qyr­lyǵy, sóıleýge sheshendigi, kerekti jerinde qıyn­nan qıys­tyryp, oryndy ázilmen, jara­symdy qal­jyńmen adamdar­dyń kóńilin aý­laýy – qıyndyq­tardy eńsere jeńýdiń birden-bir qura­lyna paı­dalanyp kelgendigi adam­darǵa kúshjiger, ynty­maq-birlik, ilgeri basqan qadam­darynyń qa­rysh­ty bolýy­na úlken septigin tıgizip otyrdy. Biz ne de bolsa qıyndyqty túp­kilikti jeńdik. Sara jolǵa shyqtyq. Sara jolǵa salǵan Kósh­basshymyz Nazarbaevtyń dana basshylyǵyna árqashanda rıza­myz! 56 el basshylarynyń basyn qo­syp, Astanada Sammıt ót­kizýi­niń ózi memleketimizdiń abyroı-bedelin as­qaqtatyp jiberdi. Sol eki kún Sammıtti ótkizýge bas­tamashy bol­ǵan Prezıdentimizdiń abyroı-ata­ǵyn bu­­rynǵydan beter joǵarylata tústi. Jasaı ber, Nureke, halqyńdy jańa asqaraly asýlarǵa bastaı ber, halqyńnyń aýyr júgin arqa­laýǵa sharshamaǵaısyń, aýyrlyq kórseń juqarmaǵaısyń, qıyndyq kórseń muqalmaǵaısyń, danalar­dyń dástúrin jańalaǵaısyń, jal­ǵaǵaısyń, Nureke, degennen basqa ne aıtamyz! Astana Sammıtiniń nátıjeli ótýin, táýelsizdigimizdiń 19 jy­lyn tamasha tabystarmen aıaq­taýǵa rıza bolǵan halyq Prezıdent óki­let­tiligin 2020 jyldyń 6 jeltoq­sanyna deıin uzartý jó­ninde referendým ótkizýdi usyn­dy. Kóptiń biri retinde men de Prezıdenttiń ókilettigin uzar­tý jónindegi refe­rendýmnyń ótkizi­lýin qoldaımyn jáne óz daý­symdy beretindigimdi málim­deımin. Meni osyndaı bir maqala ja­zýǵa ıtermelegen, erekshe bir rı­za­shy­lyq sezimge túsirgen jeltoq­san aıy­nyń basynan bastap, As­ta­nany aralaǵandaǵy alǵan áser­lerim edi. О́ńim túgil túsimde kórmeıtin ásem qala, arman qala maǵan oı saldy, janymdy tebirentti. Barlyq júzege asyrylǵan ǵajaıyp sharalar tek qana Prezıdentimiz Nursultan Ábish­uly Nazarbaevtyń isimen baılanysty ekendigine kózim jetti. Prezı­denttiń ókilettigin 2020 jylǵa deıin uzartaıyq degen usynysty bir adamdaı qoldaıyq. Joǵarydaǵy qasıetterdiń bar­lyǵy tek Nurekeńde ǵana bola­tyn, soǵan ǵana laıyq qasıet eken­digi eshqandaı daý týǵyz­baıdy. Betke ustasań bedeli qan­daı, arqaǵa ustasań panasy qan­daı ekendigin aıyra biletin ýaqyt boldy emes pe, aǵaıyn! О́z basy­myzdaǵy baq qusymyzdy baǵala­maı ushyryp almaıyq, baǵala­ıyq, aıalaıyq, ardaqtaıyq!

Muǵal QUBAShULY, derbes zeınetker.

* * *

3 MILLION 100 MYŃ QOL JINALDY

Keshe  О́skemende Qazaqstan­nyń Tuńǵysh Prezıdenti – Elbasy N.Na­zarbaevtyń ókilettigin uzar­tý jónin­degi bastamashy top músheleri aq­pa­rat quraldary ókilderimen júzdesti. – Dál qazirgi sátte elimiz bo­ıynsha Elbasynyń ókilettigin uzar­týǵa baılanysty 3 mıllıon 100 myń adam daýys berip otyr, – dedi bas­tamashy toptyń jetekshisi, Shákárim atyndaǵy Semeı memlekettik ýnı­versıtetiniń rektory, pro­fessor Erlan Sydyqov. – Ási­rese, mereke jáne demalys kúnderi jer-jerdegi bas­tamashy top mú­sheleri belsendilikpen jumys jasap, kóp mólsherde daýys jınaǵan. Jastar men eńbek ardagerleriniń ynta-jigeri erekshe boldy. Erlan Báttashulynyń aıtýyn­sha, daýys jınaý 11 qańtarǵa deıin sozylmaq. Odan keıingi sheshimdi Elbasy ózi qabyldaıdy. Bizdiń shamalaýymyz boıynsha 4 mıllıonnan astam adam Elbasy­nyń ókilet­tigin uzartýǵa daýys beredi, dedi ol. Bastamashy toptyń músheleri G.Berdıýgın, oblystyq kásipodaqtar uıy­mynyń tóraıymy N.Túsipova, oblystyq máslıhat de­pýtaty T.Isabaev oblys tur­ǵyn­darynyń belsendiligi jaıly aıta kelip, Elbasynyń Kendi Altaıdyń ekono­mıkasynyń ór­ken­deýine erekshe úles qosqanyna jerlesteriniń laıyqty baǵa bergenderine toqtala ketti.

Ońdasyn ELÝBAI.

О́skemen.

* * *

HALYQ SÚIISPENShILIGI DEP BILEMIZ

Elimizdiń jańa tarıhynda bar­sha qazaqstandyqtar úlesi úlken. Alaıda, onyń jarqyn betterine bólekshe aıshyqty tańba salǵan, ony jarqyrata túsip kele jatqan tulǵa bar. Ol Tuńǵysh Prezıdentimiz Nursultan Nazarbaev ekeni ámbege aıan. Taǵdyr meni bul adammen budan elý jyl buryn toǵystyrǵan edi. Basqa basqa, bizder – metallýrgter qaýy­my aza­mattyq qasıetterdi bir­den tanı­myz. Ortamyzda aqyl-oıy men erik-jigeri erekshelengen jas Na­zar­baevtyń sol kezde-aq bolasha­ǵy­nyń zor ekenin sezetinbiz. Eńbekke shyńdalǵan syılas­tyq berik bolatyndyǵy belgili. Qazaqstandyq alǵash shoıyndy birge qoryttyq. Bir brıgadada bes jyl ıyq tirestirip jumys istedik. Sonda qalyptasqan jarastyq qarym-qatynas kúni búginge deıin jalǵasyp keledi. Jalǵyz men ǵana emes, súıikti de aýyr isti tize qosyp atqarǵan keshegi áriptes­teri­ne Nursultan Ábishuly yqy­lasy áli ystyq. Temirtaýǵa ju­mys babyndaǵy saparlarynda bá­ri­mizben kezdesýge ýaqyt tabady. Otandastarymyzdyń Elbasy­nyń prezıdenttik ókilettigin uzar­tý týraly usynysy kóńilimizge qon­dy. Munyń ózi jaıdan-jaı emestigin bilemiz. Memleketimizdi bıik belesterge kótergen, álemge tanytqan, jarqyn bolashaǵyna berik negiz qalaǵan adamǵa degen súıis­penshilik pen senimnen týyn­daǵan júrek úni ekeni anyq. Son­dyqtan referendým ótkizý arqyly halyq qalaýy anyqtalýyn qoldaı­myz. О́rkendeýdiń jańa bir asýy alda turǵan kezde memleket bas­qarýdaǵy qabilet-daryny, ómirlik tájirıbesi baı tulǵaǵa senimdi bıiktetý Qazaqstanymyzdyń kemel keleshegine kepildik bolyp ta­bylady. Onyń shýaǵy N.Á.Na­zar­baevtyń boıyna kúsh-qýat bolyp quıyla­tyn­dyǵyna shúbá joq.

Vladımır KOLBASA, ardager-metallýrg.

Temirtaý.

* * *

BEDEL BIIGI

Nursultan Ábishuly elimiz táý eter jalǵyz kıe – táýelsizdikke alǵash qol jetkizgende ulty­myz­dyń, memleketimizdiń tizginin qolǵa alyp, kósh bastaǵan Tuń­ǵysh Prezıdentimiz boldy. Mine, sodan beri irge­mizdiń sógilmeýine, mem­leketi­mizdiń birtutastyǵyna, hal­qymyz­dyń ty­nysh ta berekeli ǵumyr keshýine, áleýmettik-ekono­mıkalyq saıa­­saty­myzdyń turaq­tanýyna, damý­shy el­derdiń kósh sońynda qalmaýyna aıanbaı ter tógip, eńbek etti. Bul onyń kóre­gen strateg, qajyrly eńbekqor, bilikti basshy ekenin Qazaqstan jurtshylyǵy aldynda da, álem aldynda da dáleldedi. Memleketimizdiń jastary El­basy men Qazaqstan Úkimetiniń qam­qorlyǵynyń arqasynda óz ar­mandaryn júzege asyrýda. Ásire­se, aýyl jastary mundaı qol­daýǵa kóp ıek artýda. Prezıdent jyl saıynǵy dástúrli jol­daýyn­da da aýyl taǵdyryna, onyń áleýmettik jaǵdaıyna, ardagerler men zeı­netkerlerimizdiń, áleý­­mettik salada qyzmet isteıtin maman­dary­myzdyń máselesine erek­she nazar aýdaryp, basty nazarda ustap otyr. Sondaı-aq, el ǵylymynyń óristeýine, jas ǵa­lym­dardyń kó­beıýine, ult tarı­hy­nyń qundyly­ǵyna kóp kóńil bóledi. Otan qamqorlyǵyn zeınetker de, ómir jolyn jańa bas­taǵan shákirt te aıqyn sezinip otyr. Saryarqanyń tósinde ótken Sammıt álem nazaryn Qazaq eline aýdardy. Jańa elorda – Astana qala­sy qazaq eliniń kelbetin ta­nytty, eldiń bereke-birligine, al­tyn uıasyna aınaldy. Astana qala­sy Eýrazııa qurlyǵynyń or­ta­syn­daǵy Qazaqstan hal­qynyń erik-ji­geriniń, úlken qa­jyr-qaı­ratynyń aıǵaǵy boldy. Jańa qala, jas qala Astanany dúnıe júzine tanytý­daǵy, álem halyq­tary din ókil­deriniń basyn bir ortaǵa uıytqan ıgilikti ıdeıany Amerıka, Reseı, Qytaı, Túrkııa jáne taǵy basqa da damyǵan memleket basshylary biraýyzdan moıyndap, Elbasynyń salıqaly saıasatyn qoldap, ekono­mı­kalyq turaqtylyqqa baǵyttal­ǵan isterge zor baǵa berýde. Bul – árıne, eldiń maqtanyshy, abyroıy! Jas memleket – Qazaq eliniń bedel bıigi men arman-maqsaty! Osy oraıda ultymyzdyń rýhanı kósemi Ahmet Baıtur­synov­tyń «Balam deıtin jurt bolmasa, jurtym deıtin bala qaıdan bolsyn?!» degen sózi eske túsedi. Eldiń túkpir-túkpirinen alýan ulttyń ún qosyp jatqany el-jurttyń Ult Kóshbasshysy ata­nyp otyrǵan Elbasyǵa senim art­qanynyń, sol senimdi Elbasynyń aqtaı bilgeniniń aıǵaǵy! Nursultan Ábishuly shyn má­ni­sinde ulttyń Kóshbasshysy, el­diń úmitin aqtaǵan, armanyn alǵa apar­ǵan qaıratker. Memle­keti­mizdiń qaryshtap damýyna qosqan úlesi jaǵynan Elbasymen tereze teńes­tire alatyn qaırat­ker joq. Son­dyqtan da, onyń ókilettigin uzartý jónindegi referendým ót­kizý týra­ly usynysty Ahmet Baıtursynov atyndaǵy Qostanaı memlekettik ýnıver­sıtetiniń oqy­tý­shylary men stýdentteri qyzý qoldap otyr. Qazir­diń ózinde referendým ót­kizý jónindegi usy­nys oqý ornynyń ǵylymı keńe­sinde maquldanyp, qol jınaý ju­mystary júrip jatyr. Asqar NÁMETOV, Ahmet Baıtursynov atyndaǵy QMÝ rektory. Qostanaı.

* * *

JIGER SYILADY

Prezıdent ókilettigin uzartý jó­nindegi bastamaǵa Syr eli alǵash­qylardyń biri bolyp qoldaý bildirdi. Elbasy qamqor­lyǵyn erekshe sezingen óńir halqy mundaı mańyzdy oqıǵaǵa ystyq yqylas qoıyp otyr. О́tken jyldyń tamyz aıynda «Nur Otan» partııasy oblystyq fı­lıaly jańalyq ja­sady. Ol — partııa fılıaly tór­aǵasynyń birinshi oryn­basary О́l­meshan Bolat­bekov­tiń «Ata­mura» baspasynan «El-jurt hám El­basy. Nash Lıder» kitabynyń ja­ryq­qa shyǵýy edi. Avtor Memleket bas­­shy­synyń balalyq sha­ǵy­nan búgin­­ge deıingi parasat jo­lyn sabaqtaı kele álemge áıgili Qazaqstannyń qýatty qadamyn jan-jaqty sýrettegen. Jáne bul kitap­tyń artyq­shylyǵy, onyń keıipkerleri qara­paıym aýyl adam­dary bolyp, olar­dyń Elbasyna degen jú­rek­­jar­dy oı-oramdary, tilegi qamty­lýyn­da. Eń bastysy, Prezıdenttiń ókilet­tigin uzartýǵa qozǵaý salýymen ba­ǵa­ly boldy. Biz osy kitaptyń keıip­kerleri retinde Elbasy jaıly oıy­myzdy bildirýdi, onyń ókilet­tigin uzar­­tý­ǵa qoldaý jasaýdy paryz sanadyq. Nursultan Nazarbaev qaıta­lan­bas tulǵa. Táýelsizdik alǵan ke­shegi aýyr kúnderde qıyn-qys­taýdan eldi jamandyqqa uryn­dyr­maı, bas-aıaǵyn bútin alyp shyǵý onyń birinshi erligi edi. Soǵyssyz, qarýsyz táýelsizdigimizdi jarııalap, birde-bir elge táýeldi bolmaı, óz múm­kindigimizben tirshilikti toqtat­padyq. Aldymen Qazaq­standy qu­daı qoldady, sosyn Nuraǵań jarqyn jolǵa jalǵady. Qazaqstan álemdik qarjy daǵ­darysyn aınalyp ótken memleket. Bul ekonomıkalyq myqty tal­daý­dyń, sondaı-aq aldyn alý­dyń sátti qada­my. Kórshiles memleketter, Eýropa elderi esin jııa almaı turǵanda, Qa­zaq­stan qarysh­ty qadamdar jasa­dy. «Jol kar­ta­sy» arqyly ómiri jóndeý kór­me­gen kóshelerdiń kelbeti kirdi, aýrýhanalar men mektepter salyndy. Jalpy, Elbasy týraly aıt­qan­da, Joldaý jaıly tolǵanǵanda bir kem dúnıe kórinbeıdi, bári ónege men úlgili úrdisterge toly. Biz Prezıdentti baǵalaımyz jáne ómiri uzaq bolǵanyn tileımiz. Búginde «Nur Otan» partııa­sy­nyń bastaýysh uıymnan bastap, aýmaqtyq, aımaqtyq esep berý, saılaý jıyndary ótip jatyr. Mun­da Elbasynyń ókilettigin uzar­tý má­se­lesi keńinen kóterilip, jappaı qoldaý taýyp jatqanyn maqtanysh­pen aıta alamyz. Elbasy jetekshilik etetin «Nur Otan» partııasynyń Syr boıyn­daǵy otyz segiz myńdaı múshesi bir­aýyz­dan qoldaý jasaýdy uıǵaryp otyr. О́ıtkeni, el damýyna partııa­nyń yq­paly zor. Sondaı-aq, aımaq­tyń má­denı-áleýmettik ómirinde keńi­nen ju­mys jasap, nátıjeli is kórsetken partııanyń jergilikti fılıaldary h­alyq seniminen shyqty. Bul Elba­sy­ǵa degen senimdi odan saıyn kúsheıtti. Biz óz oıymyzdy bildire oty­ryp, elimizdegi, aýyl-aýyldaǵy áıelder qaýymyn, batyr analardy Elbasy­nyń ókilet­tigin uzartý re­feren­dýmy­na bir kisideı qatysýǵa shaqyramyz.

Alma BAQTIIаROVA, Syrdarııa aýdanynyń qurmetti azamaty.

Aısha Bólekbaeva, Altyn alqaly ana.

Qyzylorda oblysy.

* * *

BUL – SAIаSATTYŃ JALAÝY EMES, JÚREKTERDIŃ QALAÝY

Keshe ǵana qaýyzyn jaryp azattyq aspanyna talpynǵan taǵdyrly eldiń az ýaqyttyń ishinde, basqalar ǵasyrlap jetken ǵa­lamdyq keńistikke shyrqap shyq­qanyna shynymen tań qal­ǵan­daımyz. Tań qala turyp osynaý tarıhı ǵajaıyp qubylystardy kemel oıymen, kenen aqylymen, syndarly saıasatymen júzege asyrǵan elimizdiń Tuńǵysh Prezıdenti, Ult Kóshbasshysy N.Á. Nazarbaevpen zamandas bolǵanyńa, ol jasaǵan qaıtalanbas saıası-áleýmettik reformalardy yqy­las-yntamen oryndaýǵa qatys­qanyńa táńirińe táýbe aıtasyń. Táýelsizdik Nursultan Ábish­ulynyń tabıǵı talantyn ashty, al Nazarbaev eliniń baǵyn ashty. Tarıh degenimiz máńgilik ólshe­mindegi derekter men dáıekter. Sol dáıekterdi taǵy bir jań­ǵyr­typ ótsek, jańa Qazaqstannyń jańa tarıhyndaǵy jasampaz tul­ǵa jarqyrap shyǵa keledi. Ol – Elbasymyz N.Á. Nazarbaev. Álemde jer kólemi jóninen 9-shy oryndy ıelenetin eldiń memlekettik shekarasy daý-damaı­syz bekidi. Bul endi dos túgil, dushpan da bas uratyn eren erlik. Áıtpese irgesine shı júgirtip, shyrqy buzylyp jatqan elder qanshama. Saryarqa tósinde alshaıtyp jańa Qazaqstannyń jańa elor­dasyn saldyrý da Elbasymyzdyń tóltýmasy. Ári qaraı árbir qazaq­standyqtyń jadynda jattalyp qalǵan jetistikterdi túgendemeı-aq qoıaıyn. Keshegi áli ystyǵy basylmaǵan EQYU Sammıtiniń Astanada ótýi, álemdik mańyzy bar sheshimderdiń qabyldanýy El­basymyzdyń ólsheýsiz eńbeginiń, eldestirgen saıasaty­nyń taǵy bir kórinisi. Múddeleri bir-birine kereǵar keletin elderdi bir jerge ıip ákelý, ustanǵan qaǵıdattary ár túr­li elder basshylaryn bir toqtamǵa keltirý, bir pikirge to­qaılastyrý qıynnyń qıyny ekeni belgili. Solaı bolsa da, Nur­sultan Ábishulynyń sheber saıasatkerligi, kósheli oılaý qarym-qabileti Astana deklarasııasynyń qabyldanýyna alyp keldi. Biz Astana Sammıtinde osy bedeldi basqosýǵa qatysýshy árip­testerimizben Prezıdentimizdiń el tutqasyn berik ustaǵan Ult Kóshbasshysy ǵana emes, álemdegi sanaýly saıasatkerlerdiń biregeıi ekenin qatysýshy qaıratkerlerdiń kózi jetip, kóńilderi toǵaıǵanyn óz bolmysymyzben sezindik. El­ba­sy arqyly Qazaqstanymyzdy qaýymdastyqtyń qurmettegenin sezinip, tula boıymyzda tebirenis tolqyndardyń álsin-álsin júgi­rip ótkenin nesine jasyraıyq. Memleketti tulǵalar túzedi. Al halyq sol tulǵalardyń aına­lasyna toptasyp, memlekettik isterdi júzege asyrýǵa qatysady. Bul álimsaqtan jalǵasyp kele jatqan qaǵıda. Táýelsizdiktiń 20 jyldyǵy qar­sańynda Elbasynyń ókiletti­gin uzartý jóninde búkilhalyq­tyq bastama kóterilip jatyr. Bul – salıqaly saıasattyń jalaýy emes, júrekterdiń qalaýy. Bul Qazaqstan halqynyń aldaǵy on jylǵa da Táýelsizdiktiń kepilindeı týyndy tulǵamen birge barý­dy qoldap otyrǵany. Al jú­rek qalaýy qandaı bir qudiretterden de bıik bolmaq. Sondyqtan, Elbasynyń óki­let­­tigin aldaǵy 10 jylǵa uzar­týdy kóz­deıtin búkilhalyqtyq bas­tama­ny biraýyzdan qoldaýǵa shaqyramyn.

Baqbergen DOSMANBETOV, Parlament Senaty Qarjy jáne bıýdjet komıtetiniń hatshysy, ekonomıka ǵylymdarynyń doktory.

* **

JASTAR QOLDAIDY

Qazaqstannyń ekonomıkasy álem­dik daǵdarysta súrinbedi. Dú­nıe júzi­niń kóshin bastap júrgen memleketter sońyn kútip, irkilip qalǵanda elimizde jasaýǵa tıisti tirshilikterdiń toqtap qalǵany joq. Muny ońtústikqazaqstan­dyq­tar da anyq sezinýde. Bıznestiń áleýmettik jaýapkershiliginen bó­lek bilim berý, densaýlyq saqtaý, kásipkerlik, shaǵyn jáne orta bıznes salasynda kún saıyn derlik jańa nysandar berilip jatty. Oblys ákimi Asqar Myrzah­metov 2011 jyly bıýdjettiń ba­sym bóligi áleýmettik salaǵa ba­ǵyttalady dep otyr. Qazir jurt burynǵy samannan salynǵan mektep, ıtarqa sekildi emdeý mekemelerin umytty. Alyp qury­lystar júrip jatyr. Osynyń bárin kókirek kózinen ótkizip otyrǵan halyq Elbasy­nyń prezıdenttik ókilettigin uzartý tý­raly bastamany qyzý qoldaıtynyn aıtyp, “Egemenniń” qosynyna jıi telefon shalady. Qarapaıym halyq. Basesep emes, alǵaýsyz kóńilin bildiredi. Halyq paıdasyna ólsheýsiz ju­mys júr­gizip jatqan Elbasymyzdy bi­r­aýyz­dan qoldaımyz deıdi. О́zimiz de talaı mekemelerdegi jıyn­darǵa qatystyq. Jastar fo­rýmy, Stýdentter Assambleıa­sy, Jastar q­a­naty sekildi uıymdar óz daýystaryn jetkizip jatyr. El paı­dasyna degende alǵy shepte júretin M.Áýezov atyn­daǵy Oń­tústik Qazaq­stan Memlekettik ýnıversıtetinde “Jastar – El­ba­sy­men birge” atty oblystyq jastar qo­ǵamdyq uıym­darynyń fo­rýmy ótti. Ýnıversıtettegi basta­mashy toptyń jetekshisi Baqyt Saparbaev júrgizip otyrǵan is-sharada memleketimizde at­qary­lyp jatqan irgeli ister sóz boldy. Ýnıversıtet rek­tory, akademık Ý.Bıshimbaev, res­pýb­lı­ka­lyq bastamashy top múshesi R.Pak, OQMÝ Stýdentteri alıan­synyń mú­shesi I.Haıdov, Stýdenttik ózin-ózi basqarý mú­shes­i Ý.Razakova, OQMÝ Halyqtar dos­tyǵy Assambleıasynyń múshesi E.Lı, stý­­dent, Qytaıdan kelgen qan­dasymyz B.Amanqulova, stýdent R.Almanov, Z.Orynbekov sııaq­ty azamattar sóıle­gen sózderinde az­daǵan jylda Qa­zaqstandy báse­kege qabi­letti elderdiń qataryna tartq­an, álemge máshhúr etken El­basynyń syndar­ly saıasaty jaı­ly aıtyp, referen­dýmdy biraýyz­dan qol­daı­tyndyq­taryn bildirdi. “Al­tynaı” shı­pajaıynyń atqarý­shy dırektory Asylhan Oısaev óz ujy­mynyń bas­tamany qoldaı­tynyn aı­typ, ózge árip­testerin de osyǵan sha­qyr­sa, Ońtústik-Batys mal jáne ósim­dik sharýashylyǵy ǵylymı-zertteý ınstıtýtynyń dı­rektory, akademık, Memlekettik syılyqtyń laý­reaty Áb­dirahman Ombaev “Nur­sultan Nazarbaev – Táýelsiz Qazaq­standy aıaǵy­nan turǵyzǵan kór­­nekti memleket qaıratkeri. Dú­ıim túrki álemi óz kóshbasshymyz dep tanyp otyrǵan tulǵanyń óki­lettigin uzar­týdy, referendým ót­kizýdi biz­diń ınstıtýt biraýyzdan qol­daı­dy” deıdi. Tilshi telefonynda tynym joq. Biz ózimiz qatysqan jıyn­dardaǵy sózderdiń tobyqtaı túıi­nin berýge tyrystyq.

Baqtııar TAIJAN.

Ońtústik Qazaqstan oblysy.