Qorshaǵan ortaǵa qamqorlyq

Jańa jyldyń aldynda Ekibas­tuz­daǵy Bolat Nurjanov atyndaǵy GRES-1 stan­sasyna 30 jyl toldy. Energetık­terdi merekelerimen quttyqtaýǵa oblys ákimi Baqytjan Saǵyntaev jáne kásip­oryn aksıonerleri – «Qazaqmys korpo­rasııasy» JShS basqarma tóraǵasy Vladımır Kım, «Samuryq-Qazyna» ulttyq ál-aýqat qo­ry» AQ-tyń atqarýshy dı­rektory Baqyt­jan Jaqsalıevtar kelip, saltanatty jı­ynǵa qatysty. Energe­tıkalyq qaýipsizdik – el qaýipsizdigi. Buǵan deıin sheteldik ınvestorlardyń qolynda bolyp kelgen stansa bul kún­deri memleket ıeliginde ekeni de belgili. О́tken jyly GRES-1 stansasyna elimiz­diń jáne TMD elderi elektr energetı­kasy salasynyń ardageri, kezinde kásip­orynnyń aıaqqa nyq turyp, damýyna zor úles qosqan Bolat Nur­janovtyń esimi berildi. Al, stansanyń mereıtoıyna oraı №5 energoblokta qor­sha­ǵan ortany lastanýdan qorǵaıtyn elektr­li súzgi iske qo­syldy. Stansanyń bas dırektory Rysqan Sybambaevtyń aı­týynsha, kásiporynnyń aldaǵy onjyl­dyqqa arnalǵan damý baǵdarlamasy tal­qy­lanyp, bekitildi. Al ony júzege asyrýǵa baǵyttalǵan ınvestısııa kólemi 1 mlrd. AQSh dollaryn qurap otyr. Joǵaryda atalǵan elektrli súzgi osy ınvestısııalyq baǵdarlamanyń al­ǵash­qy bastamasy deýge bolady. Jańa qu­rylǵy aýaǵa taralatyn zııandy kúldiń mól­sherin jylyna 17,5 myń tonnaǵa deı­in tómendete alady. Buǵan deıin ekolo­gııa­ǵa zalal keltiretin qaldyq­tardyń aýa­ǵa taralý mólsheri jylyna 20,5 myń ton­nany qurasa, endi ol kórsetkish 3 myń tonnaǵa deıin azaıady. Bul kásip­orynnyń qarjy únemdeýine de áser etedi. Mysaly, ekologııalyq zardaptar úshin jy­lyna tólenetin qarajat kólemi 70,6 mıllıon teńgege qysqarady. Stansadaǵy № 2-shi jáne № 8-shi ener­gobloktardy qaıta qalpyna keltirý ju­mys­taryna quıylatyn ınvestısııa kólemi 53,4 mlrd. teńge bolady. Jobanyń iske qosylý merzimi – 2014 jyl. Iá, ener­getıka – el ekonomıkasynyń qozǵaýshy kúshi. Qazirgi kezde elimizde qolǵa alynyp jatqan údemeli ındýstrııalyq-ınnova­sııa­lyq damý jobalary da energetıka sala­symen tyǵyz baılanysty. Bul rette, Eki­­bas­­tuzdyń GRES-1 stansasynyń orny árıne, erekshe. Jalpy, Ekibastuzdaǵy stan­­salarda júzege asyrylyp jatqan ın­no­­vasııalyq jobalar Elbasy naza­ryn­da. О́ıtkeni, elimiz úshin kómirli qala, ón­di­risteri qaptaǵan Ekibastuzdyń orny bólek. Osy otyz jylda stansanyń damýyna kóp­tegen mamandar úles qosty. Jalyndaǵan jastar energetıka salasynyń qyr-syryn osy stansa basynda júrip ıgerip shyqty. Stansa tek qazaqstandyq mamandardyń ǵana emes, keńestik elderdiń energe­tık­teriniń naǵyz shyńdalý, sheberlik mekenine aınaldy, dep atap ótti elimizdiń ener­getıkteri ardagerler keńesiniń tóraǵasy Sovethan Nurpeıisov óz sózinde. Bul kún­deri stansada 5 energoblok jumys istep tur. Al, aldaǵy jyldary jumysy toqtap turǵan taǵy úsh energoblok qaıta qal­pyna keltiriledi. Sóıtip, osy arqyly stansa 2016 jyly 4000 MVt elektr ener­gııasyn óndire alady. Ári kásiporynnyń ınno­vasııalyq baǵdarlamasy aıasynda bar­lyq energobloktarǵa elektrli súzgi qu­rylǵy­lary ornatylady dep jospar­la­nyp otyr. – Bizdiń óndirgen elektr energııamyz kún saıyn júzdegen páterlerdi jy­lý­men, jaryqpen qamtamasyz etip otyr. Bola­shaqta stansanyń óndiristik qýaty odan da artady, búkil qural-jabdyq­tardy jańar­týda ınvestısııa tartýǵa kóp kúsh jum­­sa­lýda, – deıdi «Qazaqmys» kor­pora­sııa­synyń basqarma tóraǵasy Vladımır Kım. Farıda BYQAI. Pavlodar oblysy.