Qostanaıda sırk ártisteri ákimshilik jaýapqa tartyldy

QOSTANAI. 26 aqpan. Qostanaı qalalyq mamandandyrylǵan soty qalaǵa óner kórsetýge kelgen Kolýmbııanyń sırkte oınaıtyn tórt azamatyna qatysty ákimshilik is qarady. Bul týraly oblystyq sottyń baspasóz qyzmetine silteme jasaǵan egemen.kz tilshisi habarlady. Kolýmbııanyń   jaýapkershilikke tartylǵan ártisteriniń barlyǵynyń da jasy 23-te. Olar kóshi-qon týraly zańyna qarsy áreket etken. Sheteldik sırkshilerdiń aıtýynsha, olar eldiń zańdy bilmegen. Sırkte oınaıtyn Kolýmbııa jastaryna olarmen kelisimshartqa otyrǵan sırktiń ákimshilik dırektory Qazaqstannyń zańy týraly eskertpegen, jastar oǵan búkil qujattaryn toltyrýdy senip tapsyrǵan.  Qostanaı qalalyq  soty  sheteldik jastardy eldiń zańyn buzǵany úshin ákimshilik jaýapkershilikke tartyp, 30 myń teńge aıyppul saldy. Názıra Járimbetova. Derek, sýret. Qostanaı oblystyq sotynyń baspasóz qyzmeti.