Qazaqstan Respýblıkasy Tótenshe jaǵdaılar mınıstrliginiń buıryǵy №160

2010 jylǵy 13 mamyr, Astana qalasy «Qazaqstan Respýblıkasy Tótenshe jaǵdaılar Mınıstrliginiń Kókshetaý tehnıkalyq ınstıtýty» memlekettik mekemesine azamattardy qabyldaý Erejesin bekitý týraly Qazaqstan Respýblıkasynyń 27 shilde 2007 jylǵy «Bilim týraly» zańyna sáıkes, «Qazaqstan Respýblıkasy Tótenshe jaǵdaılar mınıstrligi Kók­shetaý tehnıkalyq ınstıtýty» memlekettik mekemesine azamattardy qabyldaý tártibin anyqtaý maq­satynda buıyramyn: 1. Qosymsha berilgen «Qazaqstan Respýblıkasy Tótenshe jaǵdaılar mınıstrliginiń Kókshetaý tehnı­ka­lyq ınstıtýtyna» memlekettik mekemesine qa­byldaý Erejesi, bekitilsin. 2. Qazaqstan Respýblıkasy Tótenshe jaǵdaılar mınıstrliginiń Kadrlyq qamtamasyz etý departamenti osy buıryqty Ádilet organdarynda memlekettik tirkeýden ótkizýdi qamtamasyz etsin. 3. Mınıstrliktiń ortalyq apparatynyń qury­lymdyq bólimsheleriniń, О́rtke qarsy qyzmet ko­mıtetiniń, Tótenshe jaǵdaılar jáne ónerkásiptik qaýipsizdikti memlekettik baqylaý komıtetiniń, Memlekettik materıaldyq rezervter komıtetiniń, ob­lystyq, Astana jáne Almaty qalalary Tótenshe jaǵdaılar departamentteriniń, áskerı bólimderiniń, jedel qutqarý jasaqtarynyń, oblystarynyń, Astana jáne Almaty qalalaryndaǵy «О́rt sóndirý jáne avarııalyq qutqarý jumystar qyzmeti», «Kókshetaý tehnıkalyq ınstıtýty», «Respýblıkalyq daǵdarys ortalyǵy», «Apattyq medısına ortalyǵy» memlekettik mekemeleriniń, vedomstvolyq baǵynysty mem­lekettik mekemeler men kásiporyndardyń bas­shy­lary, osy buıryqty qyzmetkerleriniń nazaryna jetkizsin jáne mindetti túrde oryndalýyn qamtamasyz etsin. 4. Qazaqstan Respýblıkasy Tótenshe jaǵdaılar Mınıstriniń 2007 jylǵy 24 sáýir № 74 «Kókshetaý tehnıkalyq ınstıtýtyna irikteý men qabyldaý Erejesin bekitý týraly» (Normatıvtik quqyqtyq kesimderdi memlekettik tirkeýdiń tizilimine N 4776 bolyp engizilgen, 2007 jylǵy maýsym-shilde Qazaqstan Respýblıkasynyń Ortalyq atqarýshy jáne ózge de ortalyq memlekettik organdarynyń aktiler jına­ǵynda jarııalanǵan) buıry­ǵynyń kúshi joıylsyn. 5. Osy buıryqtyń oryndalýyn qadaǵalaý Qazaqstan Respýblıkasy Tótenshe jaǵdaılar mınıstrliginiń apparat basshysy S.Q. Oqasovqa júktelsin. 6. Osy buıryq resmı túrde birinshi jarııalanǵan kúnnen bastap qoldanysqa enedi. Qazaqstan Respýblıkasy Tótenshe jaǵdaılar mınıstri V.BOJKO. _____________________________________________________________ Qazaqstan Respýblıkasy Tótenshe jaǵdaılar mınıstriniń 2010 jylǵy 13 mamyrdaǵy № 160 buıryǵymen bekitilgen «Qazaqstan Respýblıkasy Tótenshe jaǵdaılar mınıstrligi Kókshetaý tehnıkalyq ınstıtýty» memlekettik mekemesine azamattardy qabyldaý erejesi 1. Jalpy ereje 1. «Qazaqstan Respýblıkasy Tótenshe jaǵdaılar mınıstrligi Kókshetaý tehnıkalyq ınstıtýtyna» memlekettik mekemesine azamattardy qabyldaý týraly atalmysh Ereje (ári qaraı – Ereje) Qazaqstan Respýblıkasynyń 2007 jylǵy 27 shildedegi «Bilim týraly» Zańyna jáne Qazaqstan Respýblıkasy Bilim jáne ǵylym mınıstriniń 2007 jylǵy 19 jeltoqsandaǵy № 638 «Joǵary bilimniń kásiptik oqý baǵdarlamasyn iske asyrýshy bilim uıymdaryna oqýǵa qabyldaýdyń jalpylama erejesin bekitý týraly» (Normatıvtik quqyqtyq kesimderdi memlekettik tirkeýdiń tizilimine N 5115 bolyp engizilgen) buıryǵyna sáıkes ázirlengen. 2. «Qazaqstan Respýblıkasy Tótenshe jaǵdaılar mınıstrligi Kókshetaý tehnıkalyq ınstıtýty» memlekettik mekemesi (ári qaraı - Instıtýt) mamandyqtar tizimine sáıkes joǵary kásiptik bilimmen mamandardy daıarlaıdy. 3. Qazaqstan Respýblıkasy Tótenshe jaǵdaılar Mınıstriniń buıryǵymen memlekettik qabyldaý, man­dattyq, apellıasııalyq, kýrsanttardy bólý komıssııalary qurylyp olardyń Erejeleri 4. Instıtýtqa kúndizgi oqýǵa Qazaqstan Respýb­lıkasynyń jalpy orta, bastapqy kásiptik (tehnıkalyq jáne kásiptik), orta kásiptik (ortasha bilimnen keıin) bilimi bar, densaýlyǵy boıynsha áskerı qyzmetke jáne oqýǵa jaramdy, qabyldaý emtıhanyn ońdi tapsyrǵan azamattar qabyldanady. 5. Instıtýtqa syrttaı oqýǵa jalpy orta, bastapqy kásiptik (tehnıkalyq jáne kásiptik), orta kásiptik (ortasha bilimnen keıin) bilimi jáne joǵary bilimi bar, túsý emtıhanyn oıdaǵydaı tapsyrǵan Qazaqstan Respýb­lıkasy Tótenshe jaǵdaılar ınıstrliktiń (ári - qaraı Mınıstrlik) jınaqtaý organdarynyń qyzmetkerleri qabyldanady. 6. Instıtýtqa qabyldaý biryńǵaı ulttyq testileý (ary qaraı - UBT) boıynsha berilgen sertıfıkatqa sáıkes nemese Qazaqstan Respýblıkasy Bilim jáne ǵy­lym mınıstrligi Ulttyq testileý ortalyǵymen (ary qaraı UTO) ázirlengen tehnologııa boıynsha jıyntyq testileýmen júrgiziledi. Instıtýtqa azamattardy kúndizgi oqýǵa qabyldaý tórt kezeńde júrgiziledi: birinshi kezeńde Instıtýttyń qabyldaý komıssııasy UBT sertıfıkaty nemese jıyntyq testileýine sáıkes irik­teý júrgizip, oqýǵa úmitkerler quramyn qalyp­tastyrady; ekinshi kezeńde medısınalyq jáne psıhofızıkalyq kórsetkish boıynsha irikteý júrgiziledi; úshinshi kezeńde dene tárbıesi boıynsha irikteý júrgiziledi; tórtinshi kezeńde mandattyq komıssııa kýrsanttar sanatyna engizýdi júrgizedi. Syrttaı oqýǵa qabyldaý jıyntyq testileý sertıfıkaty balldaryna sáıkes qabyldanady. 7. Mandattyq komıssııasy óziniń jumysynda Qazaqstan Respýblıkasynyń qoldanystaǵy zańnama­la­ryn, Mınıstrliktiń, Qazaqstan Respýblıkasy Bilim jáne ǵylym mınıstrliginiń normatıvtik quqyqtyq aktilerin, sonymen qatar osy Erejeni basshylyqqa alady. 8. Instıtýtta oqýǵa azamattardy irikteýdi bekitilgen kúndizgi jáne syrttaı oqý fakýltetterin jınaqtaý jó­nindegi ruqsat qaǵazǵa sáıkes Astana, Almaty oblystary men qalalarynyń Tótenshe jaǵdaılar departamentteri, Mınıstrliktiń áskerı bólimderi, qutqarý qurylymdary júrgizedi. Oqýǵa úmitkerlerdiń jeke isteri men oqý isterin rásimdeý Mınıstrliktiń kadrlar bólimshelerine júkteledi. 9. Instıtýtqa azamattardyń qujattary jyl saıyn Qazaqstan Respýblıkasy Tótenshe jaǵdaılar Mınıstr­i­niń jasaqtaý týraly buıryǵymen anyqtalatyn merzimde jiberiledi. 10. Oqýǵa (kúndizgi oqý formasyna) úmitkerdiń jeke isinde oqýǵa joldama alý týraly málimdeme (ótinish), Mınıstrlik qyzmetkerleri úshin oqýǵa joldama týraly qorytyndy nátıjesi bar attestasııalyq paraq, ómirbaıan, kadrlar esebi boıynsha jeke paraq, sońǵy jumys orny­nan minezdeme, notarıaldy rastalǵan ortasha bilim týra­ly qujattyń kóshirmesi, áskerı-dárigerlik komıssııa qo­ry­tyn­dysymen medısınalyq kýálandyrý kartasy, jeńildikke quqyq beretin notarıaldy rastalǵan qujat kóshirmeleri, arnaıy tekseris materıaldary, 4,5h6 sm kólemindegi bas kıimsiz úsh foto sýret, 9h12 sm. kólemindegi bir foto sýret. 11. Syrttaı oqýǵa iriktelgen tótenshe jaǵdaılar organdar jáne qurylymdardyń qyzmetkerlerine málim­deme, notarıaldy rastalǵan bilim týraly qujattary qosymshamen, oqýǵa jiberý týraly usynysy bar attes­tasııalyq paraq, medısınalyq anyqtama, 4,5h6 sm kólemindegi úsh fotosýret jáne kadrlar esebi boıynsha paraǵy rásimdeledi. 12. Kúndizgi oqýǵa 25 jasqa deıingi túlekter qabyldanady. 13. Kúndizgi oqýǵa túsýshi azamattar Instıtýtta ýaqytsha arnaıy uıymdastyrylǵan áskerı-dárigerlik komıssııada qosymsha medısınalyq jáne psıhofı­zıo­lo­gııalyq kýálandyrýdan ótedi jáne dene tárbıesi daıyn­dyǵy boıynsha bekitilgen normatıvke sáıkes synaq tapsyrady. 14. Syrttaı oqýǵa Mınıstrliktiń jınaqtaý organ­darynyń kem degende 1 jyl eńbek ótili bar, 37 jastan aspaǵan qyzmetkerleri qabyldanady. 15. Syrttaı oqýǵa qabyldaý úshin jalpy orta, bastapqy kásiptik (tehnıkalyq jáne kásiptik), orta kásip­tik (ortadan keıingi) bilimi bar Mınıstrlik qyzmet­kerlerinen UTO ázirlegen tehnologııa boıynsha keshendi testileý júrgiziledi. 16. Oqýǵa túsý úshin jiberilgen jetim balalarǵa jáne ata-ananyń qamqorynsyz qalǵan balalarǵa, Mınıs­tr­liktiń jınaqtaý organdarymen jolǵa ketken shyǵyn­dary tólenedi, sondaı-aq Instıtýtpen soldattyq úles nor­masyna sáıkes azyqpen qamtamasyz etiledi. 2. Jıyntyq testileýin ótkizý 17. Jıyntyq testileý, testileý júrgizý (bazalyq joǵary oqý oryndar) pýnktterinde júrgiziledi. 18. Jıyntyq testileýge qatysý úshin azamat joǵary oqý ornynyń (bazalyq joǵary oqý orny) qabyldaý komıssııasyna, Instıtýttyń bekitilgen úlgidegi blankide ótinish, alǵashqy kásiptik (tehnıkalyq jáne kásiptik) nemese orta kásiptik (ortadan keıin) oqý ornyn bitirgeni týraly attestat nemese dıplom (tupnusqa), testileýdi júrgizý úshin tólem týraly túbirtek, 3h4 kólemindegi eki fotosýret, medısınalyq anyqtama, sonymen qatar jeke kýálik kóshirmesin tapsyrady. 19. Keshendi testileýge qatysý úshin qujattardy qabyldaý bazalyq joǵary orny kestesine sáıkes júrgiziledi. 20. Keshendi testileý 17-23 shilde aralyǵynda júrgiziledi. 21. Keshendi testileýge kelgen azamat jeke kýáligi (tól qujat) men Instıtýt bergen emtıhanǵa ruqsat qaǵazyn kórsetedi. 22. Keshendi testileý azamattyń erki boıynsha qazaq jáne orys tilderinde orta bilim oqý baǵdarlamasy kóle­minde tórt pán boıynsha júrgiziledi: qazaq jáne orys tili (oqý tili), Qazaqstan tarıhy, matematıka jáne fızıka. 23. Ár pán boıynsha testileý tapsyrmalary 25. Ár testileý tapsyrmasynyń durys jaýaby bir ballmen baǵalanady. 24. Keshendi testileýge 2 saǵat 30 mınýt beriledi. Testileýdi qaıta tapsyrý jiberilmeıdi. 25. Keshendi testileý nátıjesin saraptaý jıyntyq testileý ótkizgen joǵary oqý ornynda júrgiziledi. 26. Durys jaýap kodtary jıyntyq testileýden keıin, jaýap paraqtaryn skanerden ótkizisimen ilinedi. 27. Keshendi testileý qortyndysy ótkizilgen kúni memlekettik komıssııamen jarııalanady. 28. Keshendi testileý nátıjesi boıynsha ár qaty­sýshyǵa memlekettik komıssııamen testileýden keıin úsh kúntizbelik kún aralyǵynda sertıfıkat beriledi. 29. Keshendi testileý nátıjesimen kelispegen azamat apellıasııaǵa ótinish berýine bolady. 3. Instıtýtqa qabyldaý. 30. Instıtýtqa oqýǵa qabyldaýdy mandattyq komıs­sııa­men tamyzdyń 1 men 10 aralyǵyndaǵy jıyntyq tes­tileýdiń UBT qortyndysy jáne dene tárbıesi daı­yn­dyǵy boıynsha synaq, psıhofızıkalyq jáne medısı­na­lyq kýálandyrý, áńgimelesý nátıjesi esebimen kúndizgi jáne syrttaı oqý fakýltetterin jasaqtaý ruqsat qaǵa­zyna sáıkes konkýrs negizinde júrgiziledi. 31. Oqýǵa aǵymdaǵy jyldyń jalpy orta bilim uıymdarynyń UBT ótken jáne jıyntyq testileýdiń nátıjesi boıynsha qazaq jáne orys tilderinen (oqý tili), Qazaqstan tarıhy, matematıka jáne fızıka pánderinen 50 balldan kem emes ball jınaǵan, onyń ishinde profıldik pánnen (matematıka) 7 balldan kem emes ball jınaǵan túlekter qabyldanady. 32. Jıyntyq testileýdiń UBT sertıfıkatyndaǵy balldardyń kórsetkishi birdeı bolǵan jaǵdaıda qabyl­daýǵa artyqshylyqqa ıelenedi: 1) «Altyn belgi» belgisimen marapattalǵan azamattar; 2) jalpy bilim beretin pánder boıynsha halyq­ara­lyq olımpıada jáne ǵylymı jarystardyń jeńim­paz­dary (birinshi, ekinshi jáne úshinshi dárejeli dıplomdarmen marapattalǵan), Qazaqstan Respýblıkasy Bilim jáne ǵylym mınıstrligimen tizimi anyqtalatyn, sońǵy úsh jyldaǵy respýblıkalyq jáne halyqaralyq konkýrs­tardyń oryndaýshylary jáne sporttyq jarystardyń qatysýshylary, sonymen qatar ózderiniń tańdap alǵan mamandyq pánderi boıynsha aǵymdaǵy jylda respýb­lıkalyq olımpıada jáne ǵylymı jarystardyń jeńis­kerleri (birinshi, ekinshi jáne úshinshi dárejeli dıplomdarmen marapattalǵan) ; 3) jetim balalar jáne ata-anasynyń qamqorynsyz qalǵan balalar, soǵysqa qatysýshy jeńildigi men kepildigi boıynsha teńestirilgen tulǵalar, úzdik bilim týraly qujaty (attestattar, kýálar, dıplomdar) bar tulǵalar, qyzmettik mindetin oryndaýda múgedektik alǵan jáne qaıtys bolǵan Mınıstrlik bólimsheleri qyzmetker­leriniń balalary; 4) attestat nemese dıplomdaryndaǵy ortasha joǵa­ry ball jınaǵan úmitkerler, profıldik pán (matematıka) boıynsha joǵary ball jınaǵan úmitkerler, dene tárbıesi daıyndyǵy boıynsha synaq tapsyrý kezinde joǵary ball jınaǵan úmitkerler. 33. Jıyntyq testileý kezinde osy Erejeniń 32 pýnktimen belgilengen shekteýli balldan tómen soma jınaǵan úmitkerler kýrsanttar jáne tyńdaýshylar sanatyna jiberilmeıdi. 34. Joǵary kásiptik (joǵary) bilimi jáne orta kásiptik (profıldik) bilimi bar úmitkerler Instıtýttyń mandat­tyq komıssııasymen áńgimelesý nátıjesi boıynsha qysqartylǵan merzimde qabyldanady. 35. Instıtýtqa qabyldaý týraly mandattyq komıssııa sheshimi Instıtýt bastyǵy buıryǵymen rásimdeledi. 36. Azamat memlekettik qabyldaý jáne mandattyq komıssııasy sheshiminiń nátıjesimen kelispegen jaǵdaıda Mınıstrliktiń apellıasııalyq komıssııasyna apellıasııaǵa ótinish berýine bolady. 4. Qorytyndy ereje. 37. Azamattardy oqýǵa qabyldaý máseleleri boıyn­sha osy Erejede jáne basqa da normatıvtik quqyqtyq aktilerimen belgilenbegen jaǵdaıda, Mınıstrliktiń qabyl­daý, mandattyq, jáne apellıasııalyq komıssııasymen olar­dyń quzyretterine sáıkes ózinshe sheshiledi. 38. Instıtýtqa azamattardy oqýǵa qabyldaǵannan keıin on kún merziminde Mınıstrlik pen Qazaqstan Res­pýblıkasy Bilim jáne ǵylym mınıstrligine qabyldaýdy uıymdastyrý jáne júrgizý boıynsha mátindik qory­tyn­dy esep, sonymen qatar kýrsanttar men tyńdaýshylardy qabyldaý týraly buıryq kóshirmeleri usynylady. ________________________ Buıryq Qazaqstan Respýblıkasynyń Ádilet mınıstrliginde 2010 jylǵy 18 maýsymda Normatıvtik quqyqtyq kesimderdi memlekettik tirkeýdiń tizilimine № 6297 bolyp engizildi.