Depýtattardyń úndeýi

Keshe Parlament Senaty elimizdiń basty zań shyǵarý organy depýtattarynyń respýblıkalyq referendýmda Qazaqstan Respýblıkasynyń Tuńǵysh Prezıdenti – Ult Kóshbasshysy Nursultan Ábishuly Nazarbaevtyń prezıdenttik ókilettigin respýblıkalyq referendýmda uzartý múmkindigin qarastyratyn Prezıdenttiń QR Konstıtýsııasyna respýblıkalyq referendým máselesi boıynsha ózgeris engizý jóninde referendým taǵaıyndaý týraly usynysyn qoldaıtyn qaýly qabyldady. Qaýly arqyly sondaı-aq Parlamenttiń Qazaqstan Respýblıkasynyń Tuńǵysh Prezıdenti – Ult Kóshbasshysy N.Á.Nazarbaevqa jáne Qazaqstan Respýblıkasynyń Konstıtýsııasyna usynylǵan ózgeristerge Úndeý mátini maquldandy. Úndeýde, atap aıtqanda, bylaı delinedi: «Qa­zaq­stan Respýblıkasynyń Parlamenti Qa­zaqstan Respýblıkasy Konstıtýsııasy 54-baby 2-tar­maǵy­nyń 3) tarmaqshasyn basshylyqqa ala otyryp, táýelsiz memlekettiń negizin qalaýshy jáne ony qu­rý­shy retinde Sizge, Qazaqstandy ornatý jáne nyǵaıtý isine ól­sheý­siz úles qosýshyǵa, bizdiń Otanymyzdy progress pen órkendeý jolymen senimdi alyp kele jatqan Qazaqstan Respýblıkasynyń Tuńǵysh Prezıdenti jáne Ult Kóshbasshysyna referendýmǵa my­na­daı másele shyǵarý arqyly: «Siz Qazaqstan Res­pýb­lı­kasynyń Konstıtýsııasyna respýblıkalyq referendýmda Qazaqstan Respýblıkasynyń Tuńǵysh Pre­zıdenti – Ult Kóshbasshysy Nursultan Ábish­uly Nazarbaevtyń Prezıdenttik ókilettigin uzartý múm­kindigin qarastyratyn ózgerister engizý týraly Zań qabyldaısyz ba?» degen respýblıkalyq referendým taǵaıyndaý týraly bastamamen shyǵyp otyr. Bizder, Qazaqstan Respýblıkasy Parlamentiniń depýtattary, Qazaqstannyń barlyq halqy sekildi bizdiń elimizdiń tabysty bolashaǵyn tek Sizben jáne Sizdiń esimińizben baılanystyrady, delingen qujatta.