Esikte aýrýhana ashyldy

Memlekettik  saıasattyń basty baǵyttarynyń biri – halyqtyń densaýlyǵyn qorǵaý men oǵan degen yntymaqty jaýapkershilik júgin nyǵaıtý. Densaý­lyq saqtaý nysandaryn salý, jabdyqtaý, kadr daıarlaý, salamatty ómir saltyn qalyptastyrý jónindegi sharalar kesheni úzdiksiz jalǵasqany – osynyń naqty dáleli. «Salamatty Qazaqstan» baǵdarlamasy aıasynda qolǵa alynǵan jumystar jalǵasyp, jýyrda Eńbekshiqazaq aýdanyndaǵy Esik qalasynda 250 tósektik aýrýhana men kúnine 500 adamdy qabyldap, dárigerlik tekserýden ótkizetin emhana ashyldy. «100 mektep, 100 aýrýhana» baǵdarlamasy aıasyn­da qanshama jańa qurylys salyndy. Solardyń qata­ryn­daǵy atalǵan kóp qabatty ǵımarat eki jarym jyl­da tolyq  aıaqtalyp, jańa úlgidegi sheteldik me­dı­sınalyq tehnologııalarmen jabdyqtaldy. Keshendi densaýlyq saqtaý ornyndaǵy terapııa, júıke aýrýlary, júrek, búırek, hırýrgııa, juqpaly aýrýlar, taǵy basqa bólimder 40 tósekke deıin jetkizilip, em­deý­shilerdiń saýyǵyp shyǵýyna bilikti  dárigerler qamqorlyq jasaıtyn boldy. Sonymen qatar, balalar aýrýhanasy da balǵyndardyń densaýlyǵyna degen qamqorlyqty úzdiksiz jalǵastyrmaq. Jańa aýrýhananyń ashylýyna qatysqan oblys ákimi Serik Úmbetov ótken jyldan beri engizilgen biryńǵaı ulttyq densaýlyq saqtaý júıesiniń mańyzdylyǵyna toqtalyp, halyqtyń densaýlyǵy, ana men bala ómirin saqtaý sala mamandarynyń  negizgi mindeti  ekenin aıtyp, jaýapkershilikti arttyrýdy tapsyrdy. Kópshilik atynan densaýlyq saqtaý salasynyń úzdigi, dáriger Gúljan О́mekova árdaıym antqa laıyq beriktikpen eńbek etetindikterin jetkizip, Elbasyna jerlesteriniń atynan alǵysyn aıtty. «Stroıımpeks-Astana» seriktestiginiń atqarýshy dırektory Abaı Sháldıbekov aýdannyń bas dárigeri Bolat Balaqoıshevke aýrýhana kiltin tapsyrdy. Kúmisjan BAIJAN. Almaty oblysy.