Bul ne qylǵan marǵaýlyq?

Mássaǵan! Qazaqstannyń namysyn tabysty qorǵap júrgen sportshynyń ne baspanasy, ne qarajaty joq «Nur Otan» HDP oblystyq fılıalynyń qoǵamdyq qabyl­daý­ynda Qostanaı qalasyndaǵy №1 Balalar men jasóspirimder sport mektebiniń dırektory V.Ký­lı­kovtyń jáne «Jas Otan» jastar qanaty músheleriniń 1986 jyly týǵan Qazaqstan Respýblıkasynyń halyqaralyq dárejedegi sport sheberi Zalım Kývambaev sııaqty naq­ty bolashaǵy bar, jas sportshy­lar­dy qoldaý týraly sóz qozǵaldy. Z.Kývambaev oblystyq ortalyqtan shalǵaı ornalasqan Qamysty aýda­nynda turady, Qazaqstannyń chem­pıony ataǵyn bes ret jeńip alǵan, 2010 jyly Qazaqstannyń rekor­dyn jańartqan jáne osy jyly Azııa chempıonatynda úsh ret Azııa rekordyn jańartyp, erler ara­syn­daǵy Azııa chempıonynda je­ńim­paz atanǵan. Biz Qazaqstannyń Ánurany oınaǵanda, stadıon ústinde Týy­myz jelbiregende sportshylary­myz­ben maqtanamyz. Al Z.Kývam­baev­tyń eńbekteri úshin ony osy ýaqytqa deıin eshkim marapat­ta­mapty, tipti oǵan rahmet aıtqan da adam joq eken. Paýerlıftıng boı­ynsha ulttyq  quramanyń múshesi bola tura, ol oblystyq jáne res­pýblıkalyq bıýdjet qarajatta­ry­nan tipti oqý-jattyǵý ótkizýge de qarjylaı nemese materıaldyq kómek almaǵan kórinedi. Basqa memleketterden legıonerlerdi, sportshylardy shaqyra­myz, biraq nege ózimizdiń sport­shy­larymyzdy nazardan tys qaldy­ramyz. Sporttyń jekelegen túrle­rine erekshe nazar aýdarý kezinde paýerlıftıngpen aınalysatyn Zalım Kývambaev sııaqty Azııadaǵy eń úzdik sportshylarymyz nelikten nazardan tys qalyp qoıa beredi? «Dene shynyqtyrý jáne sport týraly» Qazaqstan Respýblıkasy Zańynyń 30-babynyń 1-tarma­ǵyn­da: «Dene shynyqtyrý jáne sport jónindegi ýákiletti organ, sport túrleri boıynsha qoǵamdyq birlestikter, jergilikti atqarýshy organdar áralýan sport túrleri boı­yn­sha Qazaqstan Respýblıkasynyń qurama komandalary quramyna kir­gen nemese kiretin «Qazaqstan Respýblıkasynyń halyqaralyq dárejedegi sport sheberi» ataǵy bar asa kórnekti sportshylarǵa... bıýd­jetter, sondaı-aq zańda tyıym salynbaǵan ózge de kózder esebinen aı saıyn aqshalaı qarjy tóleı alady», – dep jazylǵan. Árıne, bul bap eshkimdi esh­nár­sege mindettemeıdi, múmkin «tóleı alady» degen sózderdi «tóleıdi» degen sózben aýystyrý qajet bolar. Búgin elimizdiń jáne jergilikti atqarý organdary bıýdjetiniń óz eliniń namysyn qorǵaýshy patrıot bolyp tabylatyn birneshe sport­shy­ǵa jaǵdaı jasaýǵa múmkindigi bar. Qazirgi ýaqytta Qazaqstannyń namysyn qorǵap júrgen sport­shy­nyń ne baspanasy, ne aqshalaı qarajaty joq. Sport salasynyń shyńynda otyrǵan sheneýnikter osyndaı mańyzdy máselege der kezinde nazar aýdaryp, adal eńbekti óz deńgeıinde baǵalaı bilýleri asa qajet-aq. Jergilikti bılik te mundaı qadamnan tys qalmasa, jeńisti joldar jalǵasatyny anyq. Baǵıla BAIMAǴAMBETOVA, Májilis depýtaty.