Zań nusqasynda jaqsylyq kóp

Jańa joba jaıynda

Parlament Senatynda palata Tóraǵasynyń orynbasarlary Muhambet Kópeev pen Aleksandr Sýdınniń qatysýymen «Ǵylym týraly» jáne «Qazaqstan Respýblıkasynyń keıbir zańnamalyq aktilerine ǵylym máseleleri boıynsha ózgerister men tolyq­tyrýlar engizý týraly» zań jobalarynyń tusaýkeseri boldy. Otyrysty ashqan Áleýmettik-mádenı damý komıtetiniń tór­aǵa­sy Aqan Bıjanov tórtinshi sha­qy­rylǵan Parlamenttiń III ses­sııa­syn ashqan kezde Memleket bas­shysy alǵa qoıǵan tapsyr­ma­lar­dy jáne básekege qabiletti adam kapıtalyn qalyptastyrý jónin­de­gi stra­te­gııalyq maqsattardy júzege asy­rýǵa qatysty zań jo­balarynyń mańyzdylyǵyn atap ótti. Jurtshylyq kútip otyrǵan «Ǵy­lym týraly» zań jobasynda otandyq ǵylymdy damytýdyń negizgi máseleleri jáne ekono­mı­kanyń ındýstrııalyq-ınnovasııa­lyq sektorynda ǵylymı jańa­lyq­tardy engizý tetikteri belgilengen. Senator atap ótkendeı, zań jo­ba­synda joǵary oqý oryn­da­ry men ǵylymı ortalyqtarda júrgizilgen ǵylymı, ǵylymı-tehnıkalyq zertteýler nátıjesin is júzinde qoldanýǵa qatysty uı­ymdardyń qurý quqyqtary qa­ras­tyrylǵan. Ǵylymı-tehnı­ka­lyq qyzmetti damytýdyń basym baǵyttaryn belgileıtin alqaly organ retindegi ulttyq ǵylymı keńesterdiń róli arta túsedi. Negizgi baıandama jasaǵan Bilim jáne ǵylym mınıstri B.Ju­ma­ǵulov osy zań jobalarynda bekitilgen ǵylymdy basqarý júıesindegi jańa úlginiń negizgi erekshelikteri týraly áńgimeledi. Mınıstrdiń aıtýynsha, ǵalym­dar­dyń róli arta túsip, jobalar men baǵdarlamalardy oryndaý tý­raly sheshimdi ǵylymı qoǵam­das­tyqtyń ózderi qabyldaıtyn bolady. Bul maqsatta ǵylym sa­la­syn basqarý júıesindegi stra­tegııalyq, ákimshilik jáne sarap­shylyq qyzmetterdiń arajigin ajyratý qarastyrylyp otyr. Qosymsha zań jobasynda ǵy­lymı qyzmetti júzege asyratyn, kirisi salyq salýǵa jatpaıtyn tul­ǵalar (ǵylymdar, ǵylymı ujym, joǵary oqý oryndary) aıasy ke­ńe­ıe túsedi, sondaı-aq ǵylymı qyz­metkerlerdi áleýmettik qoldaý erejeleri belgilendi. Zertteýlerdi qarjylandyrý­da­ǵy jańalyq: bazalyq, grantty jáne maqsatty baǵdarlamalyq júıe engiziletin bolady. Sóıtip, strategııalyq mańyzdy memlekettik mindetterdi sheshý maqsatty baǵdarlamalyq qarjylan­dyrý­men qoldaý tabady, granttar ǵy­lymı-zertteýlerdi damytýǵa jáne básekege qabilettiligin art­ty­rýǵa baǵyttalady. Oǵan qosa ǵylymı zertteýler «Memlekettik satyp alý týraly» Zań aıasynan shyǵarylatyn bolady. Tanystyrylym barysynda ǵylym salasyn basqarýdyń jańa júıesin qalyptastyrýǵa, qazaq­standyq ǵylymnyń tıimdiligin arttyrýǵa, onyń memleket pen qoǵamdy damytýdaǵy rólin ny­ǵaıtýǵa qatysty depýtattardyń kóptegen saýaldaryna jaýap berildi. «Egemen-aqparat».