Jyl basyndaǵy jańalyqtar

Qoıan jylyn qarǵalylyqtar jarqyn jańalyqtarmen basta­dy. Munda jańa jyl qar­sańyn­da birneshe jańa nysandar paı­dalanýǵa berilip, aýyldardyń áleýmettik jaǵdaıyn jaqsart­ty. Petropavlovka aýylynda respýblıkalyq «Aýyz sý» baǵ­dar­lamasy boıyn­sha bólingen 155 mıllıonnan astam qarjyǵa qaıta jaraqtandy­rylǵan sý qubyry iske qosyldy.Osy ju­mysty júrgizgen «Aqtóbe ar­naý­ly qurylys qurastyrý» JShS Shámshi Qaldaıaqov atynda­ǵy aýyldyń da sý qubyryn qaıta jaraqtandyrdy. Bul qurylysqa 122 mıllıon teńge bólindi. Res­pýblıkalyq bıýdjetten bólingen 135,5 mıllıon teńgeden astam qar­jy Mamyt aýylynda da aýyz sý máselesin sheshýge alǵyshart ja­sady. Sýmen qamtamasyz etetin eki nysan qurylysy bıyl aıaq­talady. Aýdanda jańa jyl qar­sańyn­da kóptegen jeke kásip­ker­lik ny­sandary ashyldy. «Aqtóbe-Orsk» halyqaralyq trassasy boıynda 24 oryndyq «Rodnıchok» kafesi paıdalanýǵa berildi. Munda jo­laýshylar tynyǵatyn úsh bólme bar. Osymen bir mezgilde aýdan ortalyǵy Badamshada ashylǵan «Keremet» jáne «Baqdáýlet» kafeleri de tutynýshylardy qa­byl­daı bastady. Munda kelýshilerge qala­daǵy­daı jaǵdaı jasalǵan. Keń de sáýletti kafelerde qyzmet kór­setý mádenıeti de joǵary. «Albına» jeke dúkeni de qarǵaly­lyq­tarǵa jańa jyldyq tartý boldy. Kúrdeli jóndeýden ótken aý­dandyq ólketaný murajaıy da ja­ńa jylda kelýshilerge esigin aı­qara ashty. Buryn bir-eki bólmede ornalasqan murajaı kúrdeli jón­deý­den keıin adam tanymastaı óz­ger­gen. Ǵımarat keńeıip jańa eks­ponattar qoıýǵa múmkindik týdy. Satybaldy SÁÝIRBAI. Aqtóbe oblysy.