Álemdi jaıaý aralap júr

Jýyrda jer júzin jaıaý aralap júrgen saıahatshylar Kentaý qalasyna keldi. О́zderin Kılıan men Terrı dep tanystyrǵan fransýz azamattary bul saıa­hat­taryn 2008 jyldyń 7 ma­my­ryn­da Fransııa jerinen bastap­ty. Sodan beri eki jyl ishinde Fransııa, Italııa, Slovenııa, Hor­­vatııa, Bosnııa, Albanııa, Gresııa, Túrkııa, Ázir­baı­jan sekildi elderdi jaıaý júrip ótken olar qazir Qazaqstan jerinde óz saıahattaryn jalǵas­tyrýda. Maqsatymyz – dúnıe júzin jaıaý aralap shyǵý degen Kılıan men Terrı qazaq halqynyń qo­naq­jaılylyǵyna tánti bo­lyp­ty. «О́zge elderdegideı emes, munda kezdesken eldi mekenderde qonaqty úıine shaqyryp, tamaq berýge qatty kóńil bóledi eken», – dedi bul jóninde Kılıan. Saıahatshylar jol-jónekeı kóptegen qyzyqty oqıǵalarǵa tap bolypty. Sonyń biri – enesi qaıtys bolǵan aıýdyń qonjy­ǵyn asyraýy. Qonjyq qashan óz azyǵyn taýyp jeı alatyn kezge jetkenshe saıahat­shylar qoldan qorektendirip kelgen. Sondaı-aq, Túrkııada jer betin jaıaý aralaýǵa úmit­kerler Kılıan men Terrıdiń qastaryna ergen. Degenmen de, joldyń qıyndyǵy­nan jáne shekara­daǵy vıza tekserý ba­ry­synda qujattardyń du­rys bolmaǵan­dyǵynan olar­dyń keri qaıtýy­na týra kelgen. Saıahatshylar ár memleketten ótken saıyn sol eldiń tilin úı­renýge talpynady eken. Qa­zirgi kezde qazaq tilindegi kúnde­likti qolda­na­tyn sózderdi jattap ta alypty. Qazaqstandaǵy Aqtaý, Beıneý, Qulsary, Jezqazǵan, Qy­zyl­orda, Túrkistan baǵytymen kelgen saıahatshylar endi Ashy­saı, Shaıan jerin júrip ótip, Qarataý boıy­men Taraz, Al­maty joldary arqyly Qytaı eline ótpek. Jalpy saıahat barysynda olar 35 memleketti aralamaq kórinedi. Qaırat ZAINIShEV. Ońtústik Qazaqstan oblysy, Kentaý qalasy.