Azıada alaýy búgin Ál-Kýveıt qalasynda tutanady

Atalmysh shara kúndiz Ál-Kýveıt qalasynyń sım­volyna aınalǵan, shetel qo­naqtarynyń eń basty na­zar aýdaratyn jeri, As­tanadaǵy «Báıterek» monýmentimen teńesetin «Ký­veıt-taýers» mańynda bas­ta­lady. Bul erekshe muna­ranyń kishigirim kóshir­mesi qazir Astana qala­synyń Kenesary kóshe­sinde orna­las­qan Aýyl sharýa­shy­ly­ǵy mınıstr­liginiń ǵıma­ra­tynda oryn alyp otyr. Osy ǵımarat Kýveıt qory­nyń qara­ja­tyna salynǵan. Azıada alaýynyń tu­ta­natyn jeri bolyp Kýveıttiń tańdalýy kezdeısoq emes. О́ıtkeni, munda Azııa olım­pııalyq keńesiniń shtab-páte­ri ornalasqan. Alaýdyń tu­ta­natyn rásimi qyzyqty jáne tartymdy bolady dep kútilýde. Al otandas­ta­ry­myz onyń árbir sáti men ke­zeńderin «Habar» telear­na­synan beriletin estafeta kúndeliginen kóre alady. Alaýdy tutandyrý sal­ta­natynda Azııa oıyndaryn al­ǵash ret ótkizgeli jatqan eli­mizdi Týrızm jáne sport mınıstri, Astana jáne Almaty qa­la­larynyń ákimderi men basqa da resmı laýazym ıeleri ta­nys­tyrady. Onda alaýdy birinshi bolyp AOK prezıdenti sheıh Ahmad ál-Fahad ál-Sabah ustap, elimizdiń Týrızm jáne sport mınıstri Temirhan Dosmuham­be­tovke tabys etedi. Osydan keıin kishigirim kezeń aıasynda Azııa qurlyǵynyń iri sport derjavalary sanalatyn Qy­taı, Japonııa, Ońtústik Koreıa men Qazaqstannyń ókilderi alaýdy bir-birine bere otyryp, Ál-Kýveıt qalasynyń kóshe­le­rimen alyp júredi. Odan ári alaýgerler alaýdy munaraǵa, sodan keıin áýejaıǵa jetkizedi. Bizdiń elge alaý charterlik reıs­pen arnaıy tasymaldanbaly quty-qumyrada Almatyǵa jetkiziledi. Osy jerde alaý esta­fetasynyń el ishindegi saıahaty bastalady. Osy oqıǵaǵa baılanysty jaqynda Azııa oıyndary alaý estafetasynyń alaýgerlerin irik­teý boıynsha respýblı­ka­lyq komıssııanyń qorytyndy otyrysy ótkenin atap ótý jón. Týrızm jáne sport mınıstri Temirhan Dosmuhambetov tór­aǵa­lyq etken otyrysta qu­ramy­na tanymal sport, saıasat jáne mádenıet ókilderi kiretin komıssııanyń mú­she­leri 11 qańtarda Ál-Ký­veıtte bastaý alatyn es­ta­feta alaý­gerleriniń tizimin bekitti. Onyń kon­kýr­sy byltyr alaýdy óńir­ler­de ustap júrýge nıet etken aza­mat­tardyń anketalaryn jınaýdan bastalǵan bolatyn. Irikteý barysynda úmitkerlerdiń pat­rıottyǵyna, ómirlik usta­ny­mynyń belsendiligine, Olımpıada ıdealdaryn ardaqtaıtyn­dy­ǵyna basty nazar aýda­ryl­dy. Sóıtip, aldymen KSRO sport sheberi, 1972 jyly Mıýnhen qalasynda ótken Olımpıadada Keńes Odaǵy men AQSh ara­syn­daǵy basketbol týrnıriniń fı­nal­dyq matchyna qatysýshy, Qa­zaq eli tarıhynda tuńǵysh Olımpıada chempıony atanǵan qanda­sy­myz Áljan Jarmuhamedovtiń alaýdy Qyzylorda oblysynda ustap júretini sheshildi. Sonymen birge, Roza Rymbaevanyń týǵan jeri Shyǵys Qazaqstan oblysynda, Qy­dyráli Bolmanovtyń Qara­ǵan­dy oblysynda alaýmen júgirip ótetini belgili boldy. Alaý esta­fetasy tek qana ataqty sport­shy­lardy alǵy shepke qoımaı, olardan basqa tártip saqshysy, órt sóndirýshi, qutqarýshy qyz­met­kerleri­niń batyldyq tanyt­qan­dary alaýdy ustap júrý qu­qyǵyna ıe bolady. Mysaly, ójet­tigimen kózge túsken 20 jastaǵy dene tárbıesi pániniń muǵalimi Artem Kolesnıchenko sýǵa batyp bara jatqan qyzdy qutqaryp, erlik jasaǵan. Ol Qostanaı obly­synyń atynan astanalyq keze­ńinde alaýdy ustap júredi. Alaý estafetasy dıreksııasy basshy­sy­nyń orynbasary Sársen Qu­ranbektiń aıtýynsha, estafetada sporttyń arqasynda óz ómirlerin jaqsartqan adamdarǵa kóp kóńil bólinedi. Qazaqstan jas­ta­ry osy alaýgerlerdi kórip, olardyń jetistikterin estip, sportqa degen qushtarlyqtaryn arttyryp, jeńisterge talpy­na­dy. Iаǵnı, bizdiń jobanyń eń basty maqsaty – elimizdegi buqaralyq sport­ty damytý serpilisin týdyrý. Osy kezge deı­in elimizdiń ataqty sport­shy­lary Olımpıada chem­pıon­dary, álem jáne Azııa oıyn­da­ry­nyń chempıon­da­ry da sha­qyrtý aldy. Olardyń arasynda Dáýlet Turlyhanov, Jaqsylyq Úshkempirov, Olga Shıshıgına sııaqty sańlaqtar bar. Al eń birinshi bolyp alaý estafetasyna qatysýǵa quqyq beretin sertı­fı­katqa Grekııa­nyń Qazaq­stan­daǵy Tótenshe jáne ókiletti elshisi Evagelos Denaksas ıe boldy. Grekııa – Olımpıada qozǵalysynyń ota­ny, sondyq­tan Grekııa elshisine estafetaǵa qatysýǵa ruqsat berilgeni jón boldy dep oı­laı­myz. Onyń alaý estafetasyna qatysýy dúnıe júzine Olımpıada men Azııa oıyndarynyń bir-birimen tyǵyz týysqandyq baılanysta ekenin kórsetedi. Sonymen birge, estafe­ta­nyń belgili nysandarda óte­ti­nin atap ótý jón. Árbir ke­zeńniń baǵyttary Qazaq­stan­nyń asa nazar aýdararlyq jerlerin telearna kúndelikterinde kór­se­tý josparlanýda. Astana­lyq kezeń «Qazaq eli» monýmentinen bastalyp, Esil óze­niniń sol jaq jaǵalaýyndaǵy asa kór­nekti arhıtektýralyq nysan­darynyń, sonyń ishinde Asta­nanyń sımvolyna aınal­ǵan «Báıterek», «Qazaqstan temir joly» ulttyq kompa­nııa­synyń ǵımaraty, elimizdiń eń úlken meshiti «Nur Astana» janymen ótedi. Al Almatyda estafeta shańǵymen tuǵyrdan sekirý kesheninen bastalsa, Oralda Eýropa men Azııany qo­satyn kópirde, Aqmola obly­synda ólke injýine aınalǵan Býrabaımen júrip ótedi. Jalpy, konkýrs nátıjesinde 1020 alaýger iriktelip alyndy. Onyń 100-i astanalyq keze­ńin­de, 80-i Almaty kóshelerimen jáne taǵy 60-y árbir óńirde alyp júredi. Alaý estafetasy búgin, joǵaryda aıtqanymyzdaı, Ál-Kýveıt qalasynda alaý otynyń tutaný saltanatynda bastalyp, erteń Almatyǵa keledi de, elimizdiń barlyq óńirlerin aralap shyǵyp, 30 qańtarda Astana qalasynda «Astana-Arena» sta­dıonynda Azıadanyń ashylý saltanatynyń sharyqtaý sheginde aıaqtalady. Dastan KENJALIN.