Partııa basshysy 7 qańtar kúni óziniń serikterimen avtokólikte kele jatqanda ustalǵan. Polıseılerdiń aıtýynsha, tutqyndaý kezinde Samedov pen onyń serikteri quqyq qorǵaý organdary qyzmetkerlerine qarsylyq kórsetken. Partııa basshysy óziniń baýyry Daıanat Samedovke qoǵamdyq tártipti buzyp, tártipsizdik uıymdastyrý jóninde tapsyrma bergen. M.Samedovtyń ákesiniń elektrtaýarlar satatyn dúkenin tintý kezinde ondaǵy seıften 3 granata, sondaı-aq avtomat oqtary tabylǵan.
Sabyr Rahımovtyń eskertkishi alyndy. Ferǵana aqparat agenttiginiń habarlaýynsha, О́zbekstan astanasy – Tashkenttegi Keńes Odaǵynyń Batyry, general-maıor Sabyr Rahımovtyń eskertkishi tuǵyrynan alynyp, býldozermen tegisteldi. Beton jáne granıt synyqtary júk máshınesimen áketildi. Budan buryn, ıaǵnı ótken jyldyń 5 qarashasynda Tashkenttegi Sabyr Rahımov esimindegi metropolıten stansasynyń aty da ózgertilgen bolatyn. Odan soń О́zbekstan parlamenti Tashkent qalasyndaǵy Sabyr Rahımov aýdanynyń atyn ózgertý týraly zań qabyldaǵan edi. О́zbekstan basshylyǵynyń bul áreketin kópshilik árqalaı qabyldaýda.
On eki myń úı sý astynda qaldy. Asa aýqymdy sý basýdyń saldarynan Avstralııada 12 myńnan astam úı men basqa da ǵımarattar sý astynda qaldy jáne búlindi. Assoshıeıted Press agenttiginiń habarlaýynsha, 4 myńǵa jýyq turǵyn basqa jerge kóshirildi. Mundaı sý basý oqıǵasy Avstralııada ótken jylǵy jeltoqsannyń sońynda bastalǵan bolatyn. Onda eldiń soltústik shyǵysy Tash atalatyn tropıkalyq daýylǵa ushyraǵan edi. Keıbir derekterge qaraǵanda, sý basqan aýmaq Germanııa men Fransııanyń aýmaǵynan asyp túsedi. Apat saldarynan ondaǵan adam qaza tapty.
Soltústik Koreıanyń usynysyn qabyldamady. Frans-Press agenttiginiń habarlaýynsha, dúısenbi kúni Ońtústik Koreıa úkimeti KHDR basshylyǵynyń kelissózderdi qaıta jalǵastyrý týraly usynysyn resmı túrde qabyldamady. Resmı Seýl kelissózderdi KHDR-diń qarýsyzdaný jóninde qadam jasaǵanda ǵana bastaý qajettigin alǵa tartyp otyr. Bul jerde eń basty másele, Soltústik Koreıanyń ıadrolyq qarýdan arylý jaıy bolyp tabylady. Eki el arasyndaǵy janjal Enphendo aralyndaǵy oqıǵadan keıin tipti nasharlap ketken bolatyn.
Internet materıaldary negizinde ázirlendi.
