Elbasynyń eńbegimen baılanystyrady

Prezıdent poshtasynan Memleket basshysy Nur­sul­tan Nazarbaev­tyń atyna EQYU Sammıtiniń Astanada ta­bys­ty ótýine baılanysty Qa­zaqstan azamatta­ry­nan kelip jatqan quttyqtaý hattary jalǵa­sý­da, dep habarlady Qa­zaqstan Respýblıkasy Prezı­dentiniń baspasóz qyzmeti. Rýdnyı qalasyndaǵy qalalyq ardagerler keńesiniń múshesi A.Ah­metov óz hatynda Memleket basshysyn EQYU Sammıtiniń Astanada joǵary deńgeıde uıym­dastyrylýymen jáne tabysty ótýimen quttyqtaıdy. «Qazaq­stan halyqaralyq arenada úlken bedelge ıe bolýda. Halqymyzdyń ál-aýqatynyń únemi artýy, saıası turaqtylyqtyń saqtalýy, álem­dik qoǵamdastyqtyń qurmetteýi – osynyń bári Sizdiń eńbegińizdiń, Sizdiń dana saıasatyńyzdyń ná­tıjesi», dep atap ótilgen hatta. Uly Otan soǵysynyń ardageri, Lısakov qala­sy­nyń turǵyny I.Oleınıkova hatynda EQYU Sammıti Qazaqstannyń jáne tikeleı Memleket bas­shysynyń ora­san zor bedeliniń tanylýy eke­nin atap kórsetti. «Men Je­ńistiń 65 jyldyǵyn bári biz úshin – ardagerler úshin joǵary deń­geıde uıymdastyrylǵan Astanada qarsy aldym. Men Astanada alǵash ret boldym. Men Eýro­pa­nyń qalalaryn kórdim, biraq biz­diń elordamyz – ol aı­ryqsha qala, ol – barlyq qazaqstandyqtardyń maq­tanyshy. Prezıdentke bizge kórsetken qamqor­ly­ǵy úshin zor alǵysymdy aıtqym keledi. Búginde Qazaqstannyń álemdik deńgeıdegi osyndaı bıikke jetkenine óte qýa­nyshtymyn ári ony maqtan tu­tamyn jáne Jeńistiń muragerleri bizdiń tolqyn saq­tap qalǵan jer betinde beıbitshilikti nyǵaıtý úshin múmkin bolǵannyń bárin ja­saı­tynyna to­lyq senimdi ekenin atap ótkim keledi», delingen hatta. «Araı Holdıng» JShS bas dırektory V.Solojenkov óz hatyn­da kásiporyn ujymy atynan Memleket basshysyn álemdik aýqym­daǵy jáne ta­rıhı oqıǵa – EQYU Sammıtiniń Astanada ótýimen shyn nıetten quttyqtaıdy. «Biz, otan­dyq bıznes­tiń ókilderi, Sizge, Nursultan Ábish­uly, Sammıtke qatysýshylardyń nazaryn ekono­mı­­kalyq jáne energetıkalyq q­aýip­­sizdiktiń prob­lemalaryn she­shý­diń qajettigine aýdar­ǵa­nyńyzǵa dán rızamyz. Bizdiń bıznes-qoǵam­das­tyq tu­raqtylyq, beıbitshilik jáne kelisim ornyq­qanda ǵana kásip­ker­liktiń tabysty damýy múmkin ekenin jaqsy biledi. Árbir qazaq­stan­dyq tereń sezinetin, erteńgi kúnge senimdiligimiz úshin, Sizge rahmet!», dep atap kór­setilgen hatta. Qazaqstan musylmandary dinı basqarmasynyń Qostanaı ob­ly­syndaǵy ókil ımamy Ertaı qajy Balahmet Elbasyna jol­­daǵan hatynda ótken jyl elimiz úshin umytylmastaı kezeń bol­ǵanyn, Qa­zaq­stan Eýropadaǵy qaý­ipsizdik jáne yntymaqtastyq uı­ymyna tóraǵa retinde óz aby­roı­yn asqaq­tat­qanyn atap kór­set­ken. Odan ári avtordyń ha­tyn­da: «Bul Sammıt dáýirlik aýqym­daǵy tarıhı oqıǵa boldy. О́ıt­ke­ni, buǵan deıin TMD-dan, Islam áleminen, tipti Azııadan eshqan­daı el EQYU-ǵa tóraǵa bolǵan joq. Bizdiń elimiz Táýelsizdigin al­ǵan 19 jyldyń ishinde qaı salada bolsyn qarysh­tap damyǵa­nyn osy joly naqty isimen kór­sete bildi. Munyń bári Elbasy N.Á.Nazarbaevtyń álem­degi úl­ken bedeli men kóregen saıasa­ty­nyń naq­ty nátıjesi. Atap óter­lik jáıt, Alash jerinde álem qaýip­sizdigine qatysty basty qu­jatqa – Astana Deklarasııasyna qol qoıyldy. Qazaqstan EQYU-ǵa tóraǵa bolǵan 2010 jyl tarıhta altyn árip­termen jazylyp qaldy», delingen.