«Altaı» voleıbol klýby

jańa jańǵyrý jolyna tústi Shyǵys Qazaqstan obly­synyń «Altaı» voleıbol klýby tuńǵysh ret Qazaqstan ulttyq lıgasynyń chempıony atandy. Oblys orta­lyǵynda bir aptaǵa sozylǵan ult­tyq lıganyń erler komandalary arasyndaǵy Gennadıı Goncharovty eske alýǵa arnalǵan el chempıonatynyń tór­tinshi aınalym oıyndary barysynda úzdik shyqqan О́skemen klýby jerlesteriniń rızashylyǵyna bólendi. El birinshiligin utqan «Altaı» klýby Azııa chempıonatyna shyqty. Atalǵan matchty óńir basshysy Danıal Ahmetov tamashalady. О́tken jyly óńir basshy­synyń tapsyrmasy boıynsha, О́skemen men Semeı qalala­ry­nyń voleıbol komandalary biriktirilgen bolatyn. Osy arqyly bıýdjetti únemdeýge ǵana emes, jaqsy nátıjeler kór­setýge de qol jetkizilgenin baı­qaýǵa bolady. «Altaı» klýbynyń bas jattyqtyrýshysy Igor Nıkol­chenkonyń aıtýynsha, búginde voleı­bolshylardyń sátti oıyn kórsetýine barlyq jaǵ­daı jasalyp otyr. Jattyq­tyrýshylar men jerlesteriniń bildirgen senimin aqtaý úshin shyǵysqazaqstandyq voleıbolshylar ár oıynda jeńiske jetýge bar kúsh-jigerin jumsap keledi. – Eki klýbty biriktirý arqyly biz eń úzdik voleıbolshylardy iriktedik. Qarjymyzdy únemdeýge qol jetkizdik. Jer­lesterimiz óz kúsh-jigerin ortaq maqsatqa bi­rik­tirýiniń nátıjesinde úlken ta­bys­tarǵa jete bastady. Kúrdeli ju­mystyń alǵashqy nátıjesi, Shyǵys Qazaqstan oblysynyń óz tarıhynda alǵash ret ulttyq chem­­pıo­natta top jarýy der edim. Dál osy ispetti júıemen «Altaı» fýtbol klýby da jumys isteýde. Kelesi maýsymda fýtbolda da ja­ńa bıikterdi baǵyndyramyz dep úmittenemin, – dedi oblystyq sport jáne deneshynyqtyrý bas­qar­masynyń basshysy Eldos Shikenov. Qazirgi kezde jeńimpaz komanda Azııa chempıonatyna qyzý ázirlik ústinde. Voleıboldan 16 komanda qatysatyn qurlyqtyq báseke Mıanme qalasynda 23-31 tamyz aralyǵynda ótedi. Dýman ANASh, «Egemen Qazaqstan». О́SKEMEN.