Avıasııalyq oqıǵalardyń aldyn alý qajet

Keshe Premer-Mınıstrdiń birinshi orynbasary Baqytjan Saǵyntaev «Bek Eır» áýe kompanııasy ushaǵyna qatysty Astana áýejaıynda oryn alǵan oqıǵa boıynsha keńes ótkizdi, dep habarlady Premer-Mınıstrdiń baspasóz qyzmeti. Keńes jumysyna Investı­sııa­lar jáne damý mınıstrliginiń, Bas kólik prokýratýrasynyń, IIM, UQK ókilderi qatysty. Investısııalar jáne damý mı­nıstrligi daıyndaýshy-zaýyt ókil­deri men táýelsiz sarapshylardy shaqyra otyryp, oqıǵany tergeý boıynsha arnaıy komıssııa qurdy. Keńes qorytyndysy boıynsha Baqytjan Saǵyntaev mundaı avıa­sııalyq oqıǵalardyń aldyn alý boıynsha profılaktıkalyq shara­lar qabyldaýdy tapsyrdy. Azamattyq avıasııa komıtetine múddeli memlekettik organdarmen birlesip, «Bek Eır» AQ-taǵy ushý qaýipsizdigi deńgeıin arttyrý bo­ıynsha is-sharalar josparyn ázirleý tapsyryldy. Onyń syrtynda 29 naýryzdan áýe tasymaldaýshylar qyzmetin jospardan tys ınspeksııalyq tekserý bastalady. Keńes barysynda, «Bek Eır» AQ-tyń basqarma tóraǵasy Nur­lan Jumasultanov áýe kompanııa­sy­nyń taıaý ýaqyttarda IOSA halyq­aralyq avıasııalyq aýdıtten ótýge kirisetinin habarlady. 2016 jyldyń 27 naýryzynda 10 saǵat 36 mınýtta Astana áýe­jaı­ynda «Qyzylorda-Asta­na» baǵyty boıynsha №2041 reısin oryndaǵan «Bek Eır» áýe kompa­nııa­­synyń «Fokker-100» markaly áýe kemesi apatty jaǵdaıda qon­dy. Bortynda 121 adam boldy, olar­dyń 116-sy jolaýshy da, 5-eýi ekı­paj músheleri. Qurban bol­ǵan­dar men zardap shekkender joq. Oqı­ǵanyń aldyn ala sebebi ushaq­tyń aldyńǵy shassıiniń shyqpaı qalýy bolyp tabylady.