Aıdyn Aıymbetov Aqtóbege keldi

Oblysqa eki kúndik saparmen kelgen ǵaryshker, Halyq qaharmany Aıdyn Aıymbetov T.Bıgeldınov atyndaǵy áýe qarýly kúshteri áskerı ınstıtýtynda, fızıka-matematıka baǵytyndaǵy Nazarbaev zııatkerlik mektebinde bolyp, oqyp jatqan jastarmen birneshe kezdesý ótkizdi. Sonymen birge, ushqysh-ǵaryshker Alǵa aýdanynyń jas­tarymen de  kezdesti. Nazarbaev zııatkerlik mektebinde qurmetti qonaqqa oqý bólmelerine ekskýrsııa uıymdastyryldy, ony shyǵar­mashylyq jáne ǵylymı-zertteý jumystar kórmesimen tanystyrdy. Ushqysh-ǵaryshkerdi segizinshi synyp oqýshysy Lázzat Danaeva ázirlegen elektromagnıtti tolqyn­nyń kómegimen ǵarysh apparattaryn ushyrý jónindegi jobalar qy­zyqtyrdy. Mektep oqýshysynyń aıtýyn­sha, mundaı tehnologııalardyń bola­shaǵy zor, elektromagnıtti tol­qyndarǵa qatysty jobalar ekono­mıkalyq turǵydan ǵana tıimdi emes, sonymen qatar, ekologııalyq jaǵynan qaýipsiz. Nazarbaev zııatkerlik mek­tebi oqýshylarynyń ǵylymı jobalarymen tanysqan Aıdyn Aıymbetov olar­dyń bilimi men oqýǵa degen qul­shy­nysyna rızashylyǵyn bildirdi. – Ǵarysh salasynyń múmkindigi zor. Sońǵy ýaqytta jer orbıtasy mańynda túrli tájirıbeler júrgizip qana qoımaı, taıaýdaǵy 15-20 jylda aıǵa ǵaryshtyq sapardy jandandyrý, planetalar arasynda ushý sekildi máseleler kóterile bastady, – dep atap ótti qazaqstandyq jastardyń talanty men bilimi Qazaqstandaǵy kosmonavtıkanyń damýynyń negizgi quramdasy bolýy kerektigin jetkizgen Aıdyn Aıymbetov. Budan keıin Aıdyn Aıymbetov adam balasynyń ǵaryshty baǵyndyrýyna 55 jyl tolýyna oraı uıymdastyrylǵan ǵarysh aptalyǵynyń ashylý saltanatyna qatysty. Shara T.Ahtanov atyndaǵy oblystyq drama teatrynda ótti. Qazaq ǵaryshkeriniń pikirinshe, mundaı sharalar zamanaýı kosmonavtıkanyń jetistikterin pash etý úshin, demek, osy salanyń odan ári damýy úshin qajet. Satybaldy SÁÝIRBAI, «Egemen Qazaqstan». Aqtóbe oblysy.