Aımaqtyq semınarǵa qatysty

Senator Serik Bilálov Ortalyq jáne Shyǵys Eýropa elderiniń parlamentterine arnalǵan Ornyqty damý maqsattary jónindegi aımaqtyq semınarǵa qatysty. Parlamentaralyq Odaqpen birlese otyryp, Rýmynııa Parlamenti uıymdastyrǵan shara Býhareste ótti, dep habarlady Senattyń baspasóz qyzmeti. Semınarǵa Ortalyq jáne Shyǵys Eýropa elderi par­lamentteriniń depýtattary men apparat qyzmetkerleri, sondaı-aq, halyqaralyq uıymdardyń ókilderi qatysty. Semınar barysynda 2015 jylǵy qyrkúıekte BUU-da qabyldanǵan jáne 2016-2030 jyldary iske asyrý usynylǵan Ornyqty damýdyń 17-shi maqsattaryna qol jet­kizý, sondaı-aq, ony sheshýge parlamentterdi belsendi qatystyrý máseleleri tal­qylandy. Senat depýtaty S.Bilálov osy sala boıynsha bizdiń elimizdiń tájirıbesimen tanys­tyrdy. Senator óz sózinde Qazaqstannyń 2050 jylǵa deıingi Damý strategııasyn, «100 naqty qadam» Ult Josparyn iske asyrý barysy, Parlamenttiń zań shyǵarý qyzmeti týraly aıtyp, semınarǵa qatysýshylardy EKSPO-2017 halyqaralyq kórmesine qatysýǵa shaqyrdy. Shara aıasynda S.Bilálov Rýmynııa Senatynyń tór­a­ǵa­sy I.Kelarýmen, Rýmy­nııa De­pýtattar palatasy tór­­aǵasynyń orynbasary K.Iordakemen jáne Depýtattar palatasyndaǵy Rýmynııa-Qa­zaqstan dostyq to­bynyń je­tekshisi K.Aleksemen kezdesti.