Tatýlyqtyń temirqazyǵyna aınalar akt

Bizdiń atalarymyz bolgarlar ótken ǵasyrdyń 70-80-jyldary qýǵyn-súrgin kórip, bosyp qazaq jerine jetip, Jetisý óńirine kelgen eken. Qazaq halqy pana bolyp turatyn baspana berip, tamaqtandyryp, kıer kıimmen de qamtyp, úlken qamqorlyq kór­setkenin atalarymyz ben áje­lerimiz únemi aıtyp sanamyzǵa sińirip ósirdi. Sol bolgarlardyń men úshinshi urpaǵymyn. Kúni keshe Astanadaǵy Beıbitshilik pen kelisim saraıynda Elbasy­nyń Qazaqstan halqy Assam­b­leıasynyń HHIV sessııasynda sóılegen ulaǵatty sózin et qulaǵymmen estip, erekshe áser aldym. Endi sol qýanyshymdy baýyrlarymmen bólisip, Almaty oblysynyń Sarqan aýdanyndaǵy ǵana emes, barlyq bolgarlardy qýantýǵa asyǵyp, Astana – Taldyqorǵan ushaǵyna mingen jaıym bar. Memleket basshysy sessııa delegattaryna úl­ken jaýapkershilik júktep otyr. Naqtylaı tússem, Ult Jos­pary­nyń 4-shi qadamynda aı­tyl­ǵan qundylyqty júzege asy­rýdy uǵyndyrdy. Elbasy sabyr­men aıtqan ár sózin muqııat tyńdap otyryp «Biz Máńgilik Eldiń Jeti tuǵyryn nyǵaıtýǵa, saqtaýǵa jáne urpaqtan urpaqqa amanat etýge shaqyramyz», degen joldardy jazyp aldym. Erteń týmalaryma osy joldardy sózbe-sóz oqyp beremin. Sonda atalarym men ájelerim birinshi kezekte qýana kózderine jas alatynyn da sezip otyrmyn. Árıne, ol qýanǵandyqtan shyǵatyn jas qoı. Kónekóz qarttardyń kórgenderi de, kókeılerine túıgenderi de kóp. Sony saralap otyryp balalary men nemere-shóberelerine aıtatyny – qazaqtardy syılańdar, biz ornatqan tatýlyqty saq­tań­dar degennen aınymaıdy. О́ıt­keni eldiń tileýi – tynyshtyq pen beı­bitshilik. Qudaıǵa shúkir, Jetisý jerindegi 103 etnos ókili tatý-tátti ómir súrýde. Bile-bilsek, sol tatý­lyqqa Elba­sy Nursultan Nazarbaev tirek bolyp otyr. Ony óz basym «Máńgilik El» pat­rıot­tyq akti­sin tyńdap otyryp taǵy bir már­te túsine tústim. Taǵy bir aı­tarym, Qazaqstan halqy Assam­bleıasynyń HHIV se­s­sııa­sy beıbit ómirdiń uıytqysy ári bir­likke umtylǵan ulttardy ji­ger­­len­dirýshisi boldy deýge negiz bar. Darıa KRAVChENKO, Almaty oblystyq bolgar etnomádenı ortalyǵynyń tóraıymy