Jaqsy dástúr jalǵasa beredi

Sońǵy bes jylda jetim bala­lar men ata-anasynyń qamqorlyǵynsyz qalǵandarǵa Aqmola oblysy boıynsha 170 páter bólindi. Kezekte taǵy da 1758 jetim bala tur.  Bizge oblys ákimdiginen belgili bolǵandaı, bıyl atalǵan sanattaǵy balalarǵa 100-den astam páter bólinedi. Naqty atap ótetin bol­saq, olarǵa Kókshetaýdan – 45, Stepnogordan – 18, Esil aýdanynan – 10, Selınograd aýdanynan – 15, Býrabaı aýdanynan – 6, Jarqaıyń aýdanynan – 4, Ereımentaý aýdanynan – 7 páter qarastyrylǵan. Sondaı-aq, qalǵan basqa aýdandardan 2-3 páterden bólinetindigi jóninde sheshim qabyldandy. Buǵan qosymsha, Ortalyq kom­mýnıkasııalar qyzmetiniń oblystyq fılıalynda ótken baspasóz máslıhatynda óńir basshysy Sergeı Kýlagın: «Bar­shalaryńyz bilesizder, Esil aýdanyndaǵy Esil qalasy men Jarqaıyń aýdanyndaǵy Derjavın qalasynda Kalachı aýyly men Krasnogor kenti turǵyndary úshin úıler salyndy. Olardyń birshamasy bos tur. Turǵyndar baspanadan bas tartqan jaǵdaıda páterler jetim balalarǵa beri­ledi», – dep málimdegeni de bar edi. Endeshe, ata-ana qamqorlyǵynsyz qalǵan balalardy memleket tarapynan qoldaý odan ári jalǵasa bermek. Baqbergen AMALBEK, «Egemen Qazaqstan» Aqmola oblysy