О́ner • 27 Mamyr, 2020
Qaırat Baıbosynov – qazirgi qazaq óneriniń alyby, dástúrli mýzyka salasynda ult murasyna eńbegi sińgen biregeı tulǵa, qazaq radıosynyń altyn qoryna jazylǵan daýylpaz daýys ıesin bilmeıtin kisi joq shyǵar. Ánshiniń ómiri men shyǵarmashylyǵy jóninde jazylǵan zertteýler de qomaqty, ǵylymı maqala, dıssertasııa taqyryptary barshylyq, jazýshy-jýrnalıst qaýym qalamynan shyqqan kórkem ocherkter men ǵumyrbaıandyq hıkaıalar de jetkilikti. Qaırat Baıbosynovtyń shyǵarmashylyǵy jónindegi ár kezeńderde jarııalanǵan, jarııalanyp júrgen kesheli-búgingi aqparat halyq nazarynda. Úni ulǵaısa da, sahnanyń sáni bolǵan qaıratkerdiń alqońyr daýysy ámanda talǵamshyl tyńdarman júreginde. Osy retpen qarasaq, Baıbosynovtyń ómiri men shyǵarmashylyq baıanyna qosymsha derek bolarlyqtaı tyń málimet jazý óte kúrdeli jumys. Sondyqtan osy maqalamyz aıasynda Qaırat Áýkenulynyń tek kásibı-akademııalyq beınesine ǵana qysqa qaıyrym jasaýdy qanaǵat tuttyq.
О́ner • 24 Sáýir, 2020
Qazaq qyzdarynyń ánshilik mádenıeti
Qazaqtyń ánshilik ónerinde qyzdarǵa ǵana tán oryndaýshylyq úlgi bar jáne onyń mádenıeti erteden qalyptasqan desek, osy pikirimizge kelispeıtinder kóp bolatyn shyǵar. Onyń basty sebebi – kezeń bólek, talǵam basqa, án dástúriniń asyl arqaýy sógile bastaǵan baǵzy zamandy bastan keshirýdemiz, ókinishke qaraı. Qazaq qyzdary shyǵarmashylyǵynda vokaldyq stıldiń tól máneri, shyǵarmanyń ózindik kompozısııasy, kerek deseńiz, repertýary men oryndaýshylyq hareketterdiń óz ádebi men ǵurpy bolǵan degendeı ýájge barsaq, búgingi oıshyl qaýymdy ılandyrý áýreli is bolýy múmkin. Ulttyq ánshilik ónerdi kóbinese erlerge tán sal-serilik dástúri dep uǵýǵa beıimbiz, alaıda qazaqtyń án antologııasy tek osymen shektelmeıdi. Turmystyq-tolǵaýly ánderdiń deni qyzdardyń ánshilik dástúrinen órbıdi.
• 14 Aqpan, 2017
