Pikirler .
Maqtaǵandy kim jek kórsin, biraq shekten shyqqan qoshemetshildiktiń aqyry qaıda aparyp soǵatynyn pendesi bar bolǵyr baǵamdaı bermeıdi-aý. Qolpashtaýdyń arqasynda kóterilgen «bıiginen» túse almaı qalady. Kelesi joly da «asqaraly belesten» tómendegisi kelmeı, maqtan minezdemeni ishteı tilep turady.
11 Mamyr, 2023
Elimizdiń tarıhyna qaıta-qaıta úńilip, búgingi oqıǵalardy ótken kezeńmen salystyryp otyrý kerek syndy keıde. О́tkennen sabaq alý úshin. Bolashaqqa durys baǵdar ustaý maqsatynda. Qysyltaıań sátte, keńeske zárý bolǵan tusta. Eliniń taǵdyryna, erteńine alańdaǵan erlerdiń sózi qashanda óz mánin joǵaltpaq emes.
12 Aqpan, 2023
El tutas bolmaı, jer tutas bolmaıdy
Qazirgi kezde barlyǵymyzdy eń aldymen elimizdiń tynyshtyǵy, táýelsizdigimizdiń baıandy bolýy mazalaıdy. Alasapyran mynaý kezeńde, dúnıe kúnine qyryq qubylyp jatqan tusta, toǵyzynshy terrıtorııanyń tutastyǵy men halqynyń amandyǵy eń mańyzdy máselege aınaldy. Alyptar aıqasynyń arasynda qosaqqa ketip qalmaı, «aqyryn júrip, anyq basyp» óz maqsatymyzdy júzege asyryp, táýelsizdigimizdiń tuǵyryn nyǵaıtyp alsaq, babalar amanatynyń júzege asqany.
23 Aqpan, 2022
Bizdiń halyq qyzyq qoı, joq jerden shý shyǵara salady. Tokıodaǵy otandyq sportshylardyń tómen kórsetkishterine bola, sportshylardy bylaı qoıǵanda, sport fýnksıonerlerin, jattyqtyrýshylardy jerden alyp, jerge saldy ǵoı. Qazaqstan 8 qola medal alyp, 83-shi orynda qalyp qoıdy dep shyr-pyr bolady. Qola da bolsa medal ǵoı, bir medal almaǵandar da bar shyǵar tegi. Sóıtse, Tokıo Olımpıadasyndaǵy súreńsizdikke eshkim kináli emes kórinedi. Bar kiná pandemııada?!.
03 Qazan, 2021
«Adamdy baǵalańdar tirisinde!»
Qazaq sporty ábden ishinen búlinip, toqyraýǵa ushyraǵan kórinedi. Jyldar boıy qordalanǵan syzdaýyq-problemanyń jarylatyn sáti bıylǵy Olımpıada jylymen tuspa-tus keldi. Tokıoda eldiń Gımni shyrqalǵan joq. Kúmis medal da qorjynǵa túspedi. Sóıtse, sporttyń aınalasynda ult múddesinen góri jeke bastyń qamyn kóbirek oılaıtyndar qaptap júr eken...
22 Qyrkúıek, 2021
Jer tutas bolmaı, el tutas bolmaıtyny belgili ǵoı. Alash jurtynyń boıyndaǵy ımmýnıtet Jerge kindigimen birjola baılanǵan. Basqa máselede osaldyq tanytqanymen, jer máselesine kelgende Módeniń urpaǵy babasynyń amanatyna adaldyq tanytyp keledi.
15 Sáýir, 2021
«Qarasha, jeltoqsan men sol bir eki aı...»
Uly Abaıdyń asyl murasy biz úshin baǵa jetpes rýhanı azyq. Ol – ultymyzdyń jańa bolmysyn aıqyndaýǵa qajetti qundylyq. Máselen, Abaıdyń 1888 jyly jazǵan bul óleńi, negizinen peızaj lırıkasy degenimizben, onyń áleýmettik áleýeti joǵary týyndy. Onda mal ósirýge beıimdelgen qazaq aýylynyń kúz ben qys kezeńindegi sharýashylyq áreketi, tirshilik tásili men tabıǵı ortaǵa ábden beıimdele bilgen adamdardyń minezi, tabıǵat pen adam qımylynyń úndestigi naqty jáne tutas beınelengen.
27 Qarasha, 2020
Elimen etene jaqyn aralasyp, kem-ketigin túgendep, halqynyń batasyn alǵan bıliktiń kósegesi kógeretini, sonyń arqasynda memlekettiń de dáýleti artyp, basqalarmen báseke barysynda oq boıy ozyq bolatyny beseneden belgili. Bılik pen qoǵam arasyndaǵy turaqty dıalog ornatý ázirge Qazaq bıliginiń aldyna qoıǵan murat-maqsaty ǵana...
24 Qyrkúıek, 2020
Kelmeske ketken Keńes Odaǵynyń jer-jebirine jetip, ıgiligimizdi ruqsatsyz ıemdengen máskeýlik ulyqtardy jeti atasyna deıin qarǵap-silep, bar kináni de, bar kúnáni de solardan kórip, janymyzdy jubatyp kelgenimizge de otyz jylǵa jýyqtapty. Iаǵnı táýelsizdik alǵanymyzǵa osynshama jyl. Burynǵydaı bar baılyǵyńdy tartyp alatyn ortalyq joq, kadrlyq saıasatqa da Máskeý aralasa almaıdy. Qysqasha qaıyrǵanda, tól memleketińe óziń bı, óziń qojasyń...
11 Tamyz, 2020
«...Bola almaımyz eshqashan uly halyq!»
Qazir bizdiń qoǵamda kim bolsaq ta áıteýir qazaq bolǵymyz kelmeıtin bir jaman ádet qalyptasty. «Qazaq jalqaý», «qazaq toıshyl», «qazaq mansapqor», «qazaq jemqor». Jaman qasıettiń barlyǵy baıǵus qazaqtyń ón boıynan tabylady eken. Basqasyn qaıdam, halqyn jamandaýshylar arasynda jahandyq jarys bola qalsa, bas júldeni qazaqtar alatynyna oılanbaı-aq bás tige berýge bolady. Biz sııaqty týǵan ultynyń jer-jebirine jetip ursatyn halyq joq shyǵar jer júzinde?!
23 Shilde, 2020
Abylaıhan dástúrdi jalǵastyra ma?
Tokıo Olımpıadasyna baratyn otandyq boksshylardyń lısenzııasy túgeldendi. Endi alańsyz daıyndalýǵa bolady. Ernazardyń segizi bólek te, Er Tóstigi bólek demekshi, erler arasynda bokstan segiz salmaq bolǵanymen, onyń ishinde salmaqtyń da salmaǵy bar. Qazaq boksyndaǵy Er Tóstikterdiń ótken Olımpıadalardaǵy oıyn órnegine kóz júgirtken edik...
15 Sáýir, 2020
Azattyq eıforııasyn basqa halyqtyń qalaı bastan keshkenin qaıdam, al qazaq topyraǵynda «táýelsizdik týraly tolǵaý» uzaqqa sozylyp bara jatqan syńaıly. Áli kúnge deıin «táýelsizdikke deıin», «táýelsizdikten keıin» degen pafostyq odanyń taýsylar túri kórinbeıdi. Pragmatızmnen góri sol «babalar ańsaǵan azattyq» tóńiregindegi áńgimeniń góı-góıi «Myń bir tún» hıkaıasynan kem túspeı tur.
12 Naýryz, 2020
Aǵylshynnyń memleket qaıratkeri Bendjamın Dızraelıdiń «Táýelsizdik alǵanymen otar bolǵan elder otarlyq qamytynan birjola qutyldy degen sóz emes» degen adamǵa túrpideı tıetin tujyrymy bar. Elimizdiń táýelsizdik alǵanyna jıyrma segiz jyl bolsa da memlekettilik taqyrybyn jıi jazyp, eldik máselesin qaýzaı beretinimiz de sol. «Otarlyq qamytynan», quldyq psıhologııadan birjola qol úzý úshin...
14 Qarasha, 2019
Sharıǵat, ysyrap degen uǵym-túsinikti alǵa tarta otyryp, qazaqtyń ulttyq dástúrine shabýyl jasaý bastalǵandaı. Sońǵy ýaqytta jeke adamdardyń tirshiligine baılanysty ysyrap máselesi jıi qozǵala bastady. Qazaqtyń qonaqjaılylyǵyn dańǵoılyqpen baılanystyryp, ysyrapshyldyqqa balaıtyndar kóbeıip tur búginde.
30 Qazan, 2019
Qazaq tarıhyndaǵy azattyq úshin arpalystyń, eldik úshin kúrestiń ǵasyrlar boıy birizdilikpen jalǵasyp, ulttyq dástúr sabaqtastyǵynyń arqasynda egemendikke qol jetkizdik emes pe?! Endigi jerde sol sabaqtastyq dástúri memlekettilikti nyǵaıtýǵa baǵyttalsa kerek-ti.
18 Qazan, 2019
Ulttyq dástúr joq jerde namys ta bolmaıdy!
Ulttyq dástúr, ótkenniń ónegesi ulyqtalmaǵan jerde jetistikke de, jeńiske de jetý qıyn. Ásirese sport álemindegi ulttyq namystyń jóni bólek. Al aty ǵana ulttyq bolyp, ishki tirligi babalardyń ǵasyrlar boıy jalǵasyp kele jatqan ómir súrý daǵdysyn, tanymyn joqqa shyǵarar bolsa, osynaý beıbit zamanǵa, azattyqqa jetkizgen babalardyń erlikke toly kúres jolyna jasalǵan qııanat bolyp shyqpaı ma?!
04 Qazan, 2019
Burynǵynyń bári batyr, bári sheshen...
Apyraı, burynǵy babalarymyzdyń barlyǵy da «qara qazan, sary balanyń qamy úshin» atqa qonǵan shetinen batyr, qara qyldy qaq jarǵan barlyǵy bı, buqaranyń qamyn oılap barymen bólisken kileń Atymtaı jomart eken. Osal bireýi joq. Basylymdarda jarıalanyp, jeke kitap bolyp jaryq kórip jatqan shyǵarmalardy oqysańyz, burynǵy babalarymyz qandaı myqty bolǵan dep eriksiz tańdaı qaǵasyz.
05 Aqpan, 2019
Marqum Ushyǵa apam (ákemniń apasy) «zaman ózgerdi» degenderge qarata: «Másele zamanda emes, adamda. Aı da ornynda, Kún de ornynda. Qadym zamannan bergi qalpynda, ózgergen eshteńesi joq. Ózgergen adamdardyń peıili ǵana» dep aıtyp otyrýshy edi. Oılap otyrsam, shynynda da barlyǵy adamdardyń peıiline baılanysty eken ǵoı. Áıtpese, ǵasyrlar boıy halyqpen birge jasasyp kele jatqan dástúrdi tárk etýge ne sebepshi bolady deısiz?..
20 Jeltoqsan, 2018
Tórińe shyǵarsań da, tóbeńe shyǵarma!
«Qazaq – qonaqjaı halyq». Aqıqatyn aıtar bolsaq, búginde «qonaqjaı» sózi jattandylyqqa, taptaýryn teńeýge aınalyp bara jatqandaı. О́ıtkeni, alash jerine at basyn burǵandar qonaqjaılyqty basqasha qabyldaıtyn tárizdi: shekten tys erkinsý, qazaqqa aqyl úıretý, qalaı el bolýǵa baýlý, nesibesine qol salý. Qazaqtyń «qonaqjaılylyǵyn» paıdalanyp, tórletkennen keıin tóbesine shyqqysy keletindeı me, qalaı?!
26 Maýsym, 2018
Qazaq qaıtse qalady qazaq bolyp?!. Biz úshin búginginiń basty saýaly osy. Elbasynyń rýhanı jańǵyrýǵa qatysty maqalasy da Qazaq eliniń bolashaǵymen, ulttyń rýhymen astasa órilip jatyr.
07 Maýsym, 2018
