ASTANA. 23 mamyr. Tájikstan konstıtýsııasyna ózgerister men tolyqtyrýlar engizý týraly referendým ótti dep esepteldi. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
Jergilikti ýaqyt boıynsha saǵat 12:00 kezinde halyqtyń 66,6 paıyzy daýys berdi.
Konstıtýsııa boıynsha, daýys berý quqyǵyna ıe azamattardyń kem degende 50 paıyzy daýys berýge qatysqan bolsa, referendým ótkizilgen bolyp sanalady. Referendýmda daýys berýshiler «Tájikstan konstıtýsııasyna ózgerister men tolyqtyrýlar engizilgenin qabyldaısyz ba?» degen suraqqa jaýap berýleri tıis.
Referendým saýalamasynda Tájikstan prezıdenti Emomalı Rahmonnyń memleketti shek qoıylmaıtyn merzimge basqarýy men prezıdenttikke saılaný jas mólsherin 35-ten 30 jasqa azaıtý týraly halyqtyń kelisimi suraldy. О́zgertýlerde sondaı-aq, shetelderden qarjylandyratyn ulttyq nemese dinı negizdegi partııalardyń qurylýyna tyıym salý jaǵy qarastyrylǵan.
Málimetter boıynsha, prezıdenttik saılaýǵa túsý úshin jas mólsherin azaıtý Emomalı Rahmonnyń uly Rýstam Rahmonǵa 2020 jyly 33 jasqa tolǵanynda múmkindik beredi.
Saılaý ýchaskeleri jergilikti ýaqyt boıynsha, saǵat 20:00-de jabylady. Aldyn ala qorytyndylary búgin jarııalanady.
Aıta keteıik, Tájikstan konstıtýsııasy 1994 jyly qabyldanǵan. Al 1994, 1999 jáne 2003 jyldary referendým arqyly ózgertýler engizilip turdy. 2003 jylǵy ózgeris qazirgi prezıdenttiń eki márte jeti jyldyq basshy bolyp qalýyna múmkindik bergen edi.
Aıan Ábdýálı.
Derek, foto: RIA «Novostı».