TALDYQORǴAN. 25 mamyr. Taldyqorǵanda Almaty oblysy bilim basqarmasynyń basshysy Lázzat Bazarqulova memlekettik bilim berýdi damytý baǵdarlamasynyń oryndalý barysy týraly aıtyp berdi. Bul týraly egemen.kz tilshisi habarlady.
2015-2016 oqý jylynda oblys boıynsha jalpy bilim beretin 737 mektep, mektepke deıingi 826 bilim berý uıymy, 70 kolledj qyzmet istedi. 2016 jyly bilim mekemeleriniń materıaldyq-tehnıkalyq bazasyn jańartý úshin bıýdjetten 773,2 mln. teńge bólindi. Onyń ishinde bilim mekemelerine kompıýterlik tehnıkany satyp alýǵa – 313,6 mln teńge, mektepke deıingi jáne orta bilim berý mekemeleriniń materıaldyq-tehnıkalyq bazasyn nyǵaıtýǵa – 160,3 mln. teńge, bilim berý mekemelerinde beınebaqylaý júrgizýge – 74,3 mln. teńge bólindi. 50 bilim berý mekemesiniń jylý qazandyqtaryn syrtqa shyǵarýǵa 225,0 mln. teńge qarajat qarastyrylǵan.
Bıyl 47 (JB-17, UQ-30) bilim berý nysanynyń qurylys jáne qaıta qalpyna keltirý jumystaryn júrgizý josparlanyp, oǵan Ulttyq qordan jáne jergilikti bıýdjet esebinen 32 mlrd. 807 mln. 216 myń teńge qarjy bólindi. Sondaı-aq, bıylǵy jyly 37 bilim berý mekemesine 7 mlrd. teńgeden astam qarjyǵa kúrdeli jóndeý jumystaryn júrgizý josparlanǵan.
Taldyqorǵan qalasyndaǵy №10 jáne Panfılov aýdany H.Hamraev atyndaǵy orta mektepterde bastaýysh bilim berý standarty jáne oqý baǵdarlamasynyń aprobasııasy 2015 jylǵy 1 qyrkúıekten bastap 1-synyptarda ótkizilýde.
Bıylǵy UBT 1 – 7 maýsym aralyǵynda ótedi. 15 UBTО́P testileý ótkizýge daıyn, qajetti tehnıkalyq quraldarmen jabdyqtalǵan.
Oblys boıynsha 2015-2016 oqý jylyndaǵy túlekter sany – 13322. «Altyn belgi» belgisinen úmitkerler - 364, úzdik attestatqa – 83.
Nurbol Áldibaev.
Derek, foto: egemen.kz
// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "egemen.kz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e
// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "egemen.kz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e