ALMATY. 27 mamyr. Qazaqstan velosport Federasııasynyń vıse-prezıdenti, belgili kásipker Raıymbek Batalov senbi, jeksenbi kúnderi qala aýmaǵynda tórt baǵytta kólik júrisin shektep, velosıpedke jol ashýdy usyndy. Bul týraly tengrinews.kz-ke silteme jasaǵan egemen.kz tilshisi habarlady.
Kásipkerdiń usynysyn qyzý qoldaǵan «VeloDostar» qaýymdastyǵy qalanyń ındýstrıaldy aýmaǵyndaǵy Baýyrjan Momyshuly kóshesine, Úlken Almaty sý arnasyn jaǵalap salynǵan jolǵa, Qapshaǵaı baǵytyndaǵy trassaǵa, Alataý bókterin shyǵystan batysqa kólbeı jatqan soqpaqqa nazar aýdaryp otyr.
Sonymen qatar, Raıymbek Batalov qalada jańadan velotrek ǵımaratyn salý úshin 250 mıllıon teńge bólgenin, dál osynshama somany qala ákimdigi bólýge yntaly bolyp otyrǵany jaıly da málimdedi.
Velosıpedsúıer qaýym jobalyq bul usynystardyń Almaty qalasynyń ekologııalyq jaǵdaıyn jaqsartýǵa zor septigin tıgizetinine senimdi.
Talǵat Súıinbaı.
Derek, sýret: tengrinews.kz.