Bıyl Ulytaý oblysynda jaz mezgilinde balalardyń bos ýaqytyn tıimdi uıymdastyrý maqsatynda óńirdegi jetkinshekterdiń 35 679-y (89,7%-y) demalysqa jiberiledi.
Aıtalyq, oblystyq Bilim basqarmasynyń málimetinshe, mektep janyndaǵy saýyqtyrý lagerine – 5 115, mektep janyndaǵy beıindik lagerge (5–10 synyp) – 30 055, eńbekpen qamtý baǵytyna – 13 643, «Jasyl el» jobasyna – 10 191, shyǵarmashylyq úıirmelerge – 7 069, týrıstik baǵytqa – 3 679 jáne zııatkerlik baǵytqa 2 407 bala qamtylady dep josparlanǵan.
Sondaı-aq jazǵy demalys ýaqytynda qala syrtyndaǵy lagerler de jumys isteıdi. Máselen, jergilikti bıýdjet esebinen áleýmettik sanattaǵy 470 bala ózge óńirlerdegi qala syrtyndaǵy lagerge barady. Bul maqsatqa 83 mln 760 myń teńge bólingen. Búginde elimizdegi Balqash, Shýchınsk, Qonaev qalalaryndaǵy «Baldáýren» respýblıkalyq oqý-saýyqtyrý ortalyǵynda túrli jetistikteri bar 330 jetkinshek demalyp keldi. Aldaǵy ýaqytta osy ortalyqqa 542 oqýshy jiberiledi. Sonymen qatar «Qazaqmys» korporasııasy», «О́rken-Atasý», «Kazsınk», «Qumkól Petroleým» kompanııalary sııaqty iri kásiporyndardyń demeýshiligimen 1 500 bala (ótken jyly – 1 185) qala syrtyndaǵy lagerlerde tegin demalady.
Oblystyq Bilim basqarmasy basshysynyń orynbasary Maratbek Jaqypbekulynyń aıtýynsha, kanıkýl kezinde oqýshylardyń bos ýaqytyn tıimdi ótkizý maqsatynda tárbıe jumysy toqtamaıdy. «Birinshiden, balalardy mektep janyndaǵy jáne úıirmelik lagerlermen barynsha (shamamen 90%-yn) qamtyp otyrmyz. Ekinshiden, bıyl biz joǵary synyp (8–10 synyp) oqýshylaryna arnalǵan arnaıy kásibı baǵdar beretin beıindi lagerdi damyttyq. Bul joba óńirdegi bes jetekshi kolledj bazasynda ótedi. Mundaǵy is-sharalar gýmanıtarlyq, medısınalyq, ınjenerlik jáne IT baǵyttary boıynsha uıymdastyrylady. Oǵan 250 oqýshy tartyldy», deıdi Bilim basqarmasy basshysynyń orynbasary.
Sonymen birge Bilim basqarmasy qaýipsizdik sharalaryna erekshe mán berip otyr. Maýsym-tamyz aralyǵynda Polısııa, Tótenshe jaǵdaılar departamentterimen birlesip, sý aıdyndary mańynda reıdtik jumys kúsheımek. Aldaǵy tamyz aıynda qosymsha bilim berý aıasynda jazǵy mektep, olımpıada rezervteri jáne balǵyndar mektebi óz jumysyn bastaıdy. Sondaı-aq qosymsha bilim uıymdary bazasynda debat, IT, ekonomıkalyq saýattylyq, ekodúnıetanym baǵytyn qamtıtyn «BalaLAND» kúndizgi lagerler jumys isteıdi.
Aıta keteıik, bıyl Jezqazǵan qalasynda jyl boıy jumys isteıtin 400 oryndyq zamanaýı lagerdiń qurylysy josparlanyp otyr. Búginde nysan salynatyn jer ýchaskesi tolyq rásimdelgen.
Ulytaý oblysy