Sáken Sársenov Qazaqstan Respýblıkasy Aqparat jáne kommýnıkasııalar vıse-mınıstri bolyp taǵaıyndaldy, dep habarlady osy vedomstvonyń baspasóz qyzmeti.
Buǵan deıin ol Baılanys, aqparattandyrý jáne aqparat komıtetiniń tóraǵasy, Investısııalar jáne damý mınıstriniń orynbasary boldy. Al onyń aldynda «Ulttyq aqparattyq tehnologııalar» AQ basqarma tóraǵasynyń orynbasary, «Qazaqtelekom» AQ-tyń elektrondy qyzmet kórsetýler jónindegi basqarýshy dırektory, Bas prokýratýranyń Quqyqtyq statıstıka jáne arnaıy esep komıteti tóraǵasynyń orynbasary bolyp qyzmetter istedi. 2010 jyldyń naýryzynan 2012 jyldyń qańtaryna deıin Baılanys jáne aqparat vıse-mınıstri bolyp, 2012 jyldyń 1 aqpanynda Kólik jáne kommýnıkasııalar vıse-mınıstri laýazymyna taǵaıyndaldy. Al 2014 jyldyń naýryzynda Baılanys jáne aqparat agenttigi tóraǵasynyń birinshi orynbasarlyǵyna taǵaıyndalǵan edi.