ASTANA. 28 mamyr. Búkil álemdik boks serııasynda (WSB) el namysyn qorǵaıtyn «Astana arlandary» Ulybrıtanııa astanasy – London qalasynda jergilikti «Brıtısh Laınharts» komandasymen kezdesip, 1:4 esebimen jeńildi. Bul týraly vesti.kz-ke silteme jasaǵan egemen.kz tilshisi habarlady.
Alǵash bolyp, 52 kılo salmaq dárejesinde baq synaǵan otandasymyz Azamat Isaqulov Korıýn Sogomonıanmen kezdesip, 0:3 esebimen ese jiberdi. Al 60 kıloda sharshy alańǵa shyqqan Zakır Safıýllın Lıýk Makkormekten 0:3 esebimen jeńildi. Kelesi 81 kıloda óner kórsetken Nurdáýlet Jarmanov qarsylasy Radoslav Pantaleevten 0:3 esebimen jeńilis tapty. Al sońǵy kezdesýde asa aýyr salmaqta (+91 kılo) synǵa túsken Qamshybek Qońqabaev Freızer Klarktan 0:2 esebimen jeńildi.
Bul keshte jalǵyz jeńis 69 kıloda judyryqtasqan Aslanbek Shymbergenovke buıyrdy. Ol sharshy alańda Djoshýa Kellıden 2:1 esebimen basym tústi.
Aıta keteıik, alǵashqy jartylaı fınaldyq kezdesýlerde «Astana arlandary» brıtanııalyqtardan 2:3 esebimen jeńilgen bolatyn. Sonymen, Dúnıejúzilik boks serııasynyń fınalynda «Brıtısh Laınharts» pen «Kýba domadores» boksshylary kezdesedi.
Aıan Ábdýálı.
Derek: vesti.kz.
Foto: tengrinews.kz.