QOSTANAI. 8 maýsym. Qostanaılyqtar tatar-bashqurt halyqtarynyń jyl saıynǵy dástúrli sabantoı merekesin toılady. Bul týraly egemen.kz tilshisi habarlady.
Sabantoı merekesi jyl saıyn kóktemgi dala jumystary aıaqtala bergende, maýsym aıynda toılanady. Halyqtyq merekege aınalyp ketken oǵan tek tatar-bashqurt etomádenı ortalyǵynyń músheleri, dıaspora ókilderi ǵana emes, barsha qostanaılyqtar jınalady. Tobyl jaǵasyndaǵy «Shaǵala» alańyna birneshe kıiz úıler tigilip, onda tatar, bashqurt halyqtarynyń ulttyq taǵamdary, ulttyq buıymdary jaıyldy. Sabantoıdyń sánin tatarlardyń túrli tátti taǵamdary keltirip, ánshi, bıshi jáne baıanshylary, garmonshylary qyzdyrady. Bul joly da baıannan tógilgen ánder merekege jınalǵandardyń delebesin qozdyryp, tatary, orysy, qazaǵy, azerbaıjany men ózbegi – barlyǵy da bılep ketti.
Merekege Tatarstannan arnaıy qonaqtar da shaqyryldy. Tatarstannyń halyq ártisi Iskander Bıktagırov, Eńbek sińirgen ártisi Farıd Hatypov baıanmen tatar halqynyń halyq ánderin naqyshyna keltire oryndady. Olar Tatarstannyń prezıdenti Rýstam Mınnıhanovtyń sálemin jetkizdi.
Sabantoı merekesiniń bir sáni qashan da ulttyq sport oıyndary bolyp sanalady. Armreslıngten, kúresten merekege kelgen kez kelgen jigit kúshin synap kórdi. Sabantoı tek tatar, bashqurt halqynyń ǵana emes, qostanaılyqtardyń demalys kúnin qyzyqty ete tústi.
Názıra Járimbetova.
Derek: egemen.kz.
Foto: ng.kz.