Jetisý oblystyq sotynda Aızat Jumanovany óltirý isi boıynsha apellıasııalyq shaǵymdy qaraý aıaqtaldy. Sot alqasy birinshi satydaǵy sottyń úkimin ózgerissiz qaldyrdy, dep habarlaıdy Egemen.kz.
Otyrys barysynda jábirlenýshi taraptyń advokaty Arman Sháripov sottalýshy Aıbar Janbolattyń áreketin Qylmystyq kodekstiń 99-baby 2-bóligine qaıta saralaýdy surady.
Alaıda qorǵaý tarapy ózge ustanymda boldy.
«Qorǵaýymdaǵy azamattyń áreketin jeńilirek, ıaǵnı QR QK-niń 106-baby 3-bóligine qaıta saralap, zań aıasynda jaza taǵaıyndaýdy suraımyn. Sebebi sottalýshynyń kisi óltirýge nıeti bolmaǵan, ólim abaısyzda oryn alǵan», dedi Janat Sarkytov.
Sýdıa Aıdyn Jurhanovtyń túsindirýinshe, qoldanystaǵy zańnama apellıasııa satysynda isti qosymsha tergeýge qaıtarýdy qarastyrmaıdy.
«Apellıasııalyq satydaǵy sot isti taǵylǵan bap sheńberinde qaraıdy. Is materıaldary QR Qylmystyq kodeksiniń 99-baby 1-bóligine tolyq sáıkes keledi», dep atap ótti sýdıa.
Ol atalǵan baptyń sanksııasy jeti jyldan 15 jylǵa deıin bas bostandyǵynan aıyrý jazasyn kózdeıtinin qosty. Sottalýshy buryn sottalmaǵanyn eskere otyryp, oǵan 14 jyl bas bostandyǵynan aıyrý jazasy taǵaıyndaldy.
Taldyqorǵanda Aızat Jumanovany óltirgen kúıeýine úkim kesildi
Sonymen qatar, apellıasııalyq alqa jábirlenýshi taraptyń paıdasyna moraldyq zııandy óndirý týraly sheshimdi de ózgerissiz qaldyrdy.
Aızat Jumanovanyń ólimine qatysty sot: prokýror aıyptaý aktisin jarııalady