Qytaıdyń tórt aımaǵyn jaıaý aralap shyqty
Qytaıda turatyn tórt jasar Pan Venven esimdi qyz eldiń tórt aımaǵynda bolyp úlgerdi. Ol óz áke-sheshesimen birge bul jerlerdiń bárin jaıaý aralap shyqqan.
Pandar otbasy eldiń ońtústik-shyǵysynda ornalasqan Szıansı provınsııasyndaǵy Shanjao qalasynda turady. Erli-zaıypty ekeý 2013 jyly qastaryna bir jasqa jańa tolǵan qyzdaryn alyp, uzaq ýaqyttyq saparǵa shyǵady. Olar úsh jyldyń ishinde Iýnnan, Gýıchjoý, Sychýan provınsııalary men Gýansı avtonomııaly aýdanynda bolǵan. Endi shilde aıynda Tıbetke deıin jetip alýdy josparlap otyr.
Uzaq joldyń basynda kishkentaı Venven jaıaý júre almaǵan eken. Sosyn áke-sheshesi ony kóterip alyp júrgen. Alaıda, keıinirek qyz biraz qataıyp, ózi júre alatyn dárejege jetken. Qazir ol kúnine 30 shaqyrymǵa deıingi aralyqty jaıaý júrip óte alady.
Qyzdyń ákesi Pan Shıfen bul tájirıbe qyzdarynyń táýelsiz bolyp ósýine, ártúrli jaǵdaılarǵa óz betinshe beıimdelýine zor yqpal jasaıtynyn aıtady. Onyń oıynsha, týrızmniń arqasynda búldirshin dostyq ráýishti jáne elgezek bolyp ósip keledi.
Murat AITQOJA