ASTANA. 8 maýsym. Reseı Federasııasynyń qorǵanys mınıstri Sergeı Shoıgý Qazaqstanǵa keldi. Bul týraly RIA «Novostı» aqparat agenttigine silteme jasaǵan egemen.kz tilshisi habarlady.
Búgin Sergeı Shoıgý Shanhaı yntymaqtastyq uıymy aıasynda ótetin Qorǵanys mınıstrliginiń jıynyna qatysady.
«Jıynda halyqaralyq qaýipsizdik pen Shanhaı uıymynyń keńistiginde jańa qaýip-qaterge tıisti sharalar qoldadaný joldaryn anyqtaý sekildi máseleler talqylanyp, áriptestermen pikirlesý», – deıdi Reseıdiń áskerı vedomstva ókili Igor Konashenkov.
Sonymen qatar, ol: «Osy jıynda qyrkúıek aıynda Qyrǵyzstan elinde ótetin «Beıbitshilik mıssııasy-2016» atty antıterrorlyq oqý-jattyǵý sharasynyń jospary pysyqtalady», – dedi.
Aıta keteıik, atalǵan oqý-jattyǵý jıyny ShYU aıasynda birikken Reseı, Qazaqstan, Qyrǵyzstan, О́zbekstan jáne Tájikstan elderiniń qatysýymen ótkiziledi. Negizgi maqsat – lańkestiktiń aldyn alý, terrorlyq áreketke toıtarys berý jáne qatysýshy elderdiń áskerı biliktiligin arttyrý.
Jıyn sońynda Sergeı Shoıgý Qazaqstannyń qorǵanys mınıstrimen kezdesip, áskerı-tehnıkalyq áriptestiktti nyǵaıtatyn qujattarǵa qol qoıady.
Talǵat Raıymbek.
Derek: RIA «Novostı» aqparat agenttigi.
Foto: news-front.