Reseıdiń eń ataqty tennısshisi Marııa Sharapova tyıym salynǵan meldonıı preparatyn qoldanǵany úshin Halyqaralyq tennıs federasııasynyń (ITF) sheshimimen 2 jylǵa dıskvalıfıkasııa aldy. Bul týraly «R-Sport» aqparyna súıengen egemen.kz tilshisi habarlady.
Úkim sársenbi kúni shyǵaryldy. Osylaısha tennısshiniń 2016 jyldyń tamyz aıynda Brazılııada ótetin Olımpııalyq oıyndarǵa qatysa almaıtyny belgili boldy.
Bıylǵy jyldyń basynda sportshynyń organızminen Búkilálemdik antıdopıngilik agenttiktiń (WADA) 2016 jylǵy 1 qańtardan bastap qoldanýǵa tyıym salǵan meldonııdiń izderi tabylǵan bolatyn. Sportshynyń dıskvalıfıkasııa ýaqyty 2016 jylǵy 26 qańtardyn bastap esepteledi. Demek, 2018 jylǵy 25 qańtarda onyń merzimi bitedi. Eger Sharapovanyń bıylǵy sáýirde 29-ǵa tolǵanyn eske alsaq, endi eki jyldan keıin onyń mansabyn jalǵastyryp ákete alatynyna sený qıyn.
Biraq sportshy munymen kelisip otyrǵan joq. Ol halyqaralyq sottan ádildik izdeıtinin aıtyp otyr.
Dastan Kenjalın.
Derek, foto: R-Sport.