40 kılodan astam bekire tuqymdas balyq pen 10 kılo qara ýyldyryq tárkiledi
«Bekire-2016» jedel-profılaktıkalyq is-sharasy barysynda Atyraý, Aqtaý, Oral stansasyndaǵy Ishki ister jelilik bólimderi qyzmetkerleri quqyq buzýshylyqtyń 9 faktisin anyqtady. Atap aıtsaq, balyq pen balyq ónimderin zańsyz aýlaýǵa qatysty 7 fakt, ıaǵnı 42 keli 400 gr. bekire tuqymdas balyq pen 10 keli 500 gr. qara ýyldyryq tárkilenip alyndy, sonymen qatar, kıik múıizderin zańsyz tasymaldaýǵa qatysty 2 fakt anyqtalyp, 460 dana kıik múıizi tárkilendi. Joǵaryda atalǵan faktiler boıynsha QR QK-niń 339-babyna sáıkes qylmystyq ister qozǵaldy.
Eske sala keteıik, aǵymdaǵy jylǵy 1 sáýir men 31 mamyr aralyǵynda balyq pen balyq ónimderin zańsyz aýlaýdy jáne aınalymyn anyqtaýǵa, aldyn alýǵa jáne jolyn kesýge, zańsyz shyǵarý, tasymaldaý, satyp alý, satý jáne ótkizý faktilerin anyqtaý jáne boldyrmaý maqsatynda Oral-Kaspıı basseıni aýmaǵynda «Bekire-2016» JPISh ótkizildi, dep habarlady Kóliktegi IID-niń baspasóz qyzmeti.