Arheologtar Aqmola óńirinen osyndaı jádiger tapty
Aqmola oblysynda qundy jádiger tabyldy. Keńótkel eldi mekenine taıaý jerde qazba jumystaryn júrgizgen arheologtar saq kezeńinen qalǵan tarıhı oljaǵa tap boldy.
Málimetter boıynsha, L.N.Gýmılev atyndaǵy Eýrazııa ulttyq ýnıversıtetiniń oqytýshylary men stýdentteri aldymen jasóspirim qyzdyń súıegin tapqan. Artynsha altyn buıymdary men VII ǵasyrda qyshtan jasalǵan zattary shyqqan.
– Biz áli zertteý jumystaryn jalǵastyryp jatyrmyz. Qolyma sırek kezdesetin, altynnan jalatylǵan túıreýish túsip otyr. Oǵan monshaqtary qosa tizbektelgen. Osyǵan baılanysty biz qabirdi qyz balaǵa tıesili degen boljam jasadyq, – dedi Eýrazııa ulttyq ýnıversıtetiniń aǵa oqytýshysy Serǵazy Sákenov.
– Bul jerde ejelgi temir qorytýshylar qyzmet etken. Biz kóp nárseni sol kezeńdegi turǵyndardyń salǵan baspanalarynyń kólemine qarap anyqtap otyrmyz, – dedi Pavel Kýcherov esimdi stýdent.
Baqbergen AMALBEK,
«Egemen Qazaqstan»
Aqmola oblysy