Almatyda aldaǵy tórt jyl ishinde jańa iri jobalar júzege asyp, qalada kanaldar men jaǵalaýy bar erekshe aımaq – «almatylyq Venesııa» salynady. Sonymen qatar okeanarıým men sý ústindegi baq sııaqty zamanaýı nysandar boı kótermek, dep habarlaıdy Egemen.kz.
2030 jylǵa deıingi damý josparyna sáıkes, Almaty bir ortalyqqa ǵana táýeldi bolmaı, birneshe belsendi aýdannan turatyn polısentrlik qalaǵa aınalady. Jalpy bes negizgi ortalyq qalyptasady: «Shyǵys qaqpasy», «Tarıhı ortalyq», «Soltústik», «Ońtústik-Batys» jáne «Batys». Alǵashqy kezekte «Shyǵys qaqpasy» men «Batys» baǵyttary qarqyndy damytylady.
Almatyda haıýanattar baǵynda arystanǵa tas laqtyrǵan er adamǵa aıyppul salyndy
«Shyǵys qaqpasy» aýdany áýejaı mańynda ornalasyp, jańa iskerlik ári týrıstik ortalyqqa aınalady. Dál osy jerde kanaldary men erekshe jaǵalaýy bar «almatylyq Venesııa» salynady. Budan bólek, EXPO ortalyǵy, stadıon, okeanarıýmy bar saýda ortalyǵy, teatr jáne oıyn-saýyq keshenderi, sondaı-aq iri saıabaqtar men demalys oryndary josparlanǵan.
Al «Batys» aımaǵy óndiris pen turǵyn úıdi qatar damytatyn zamanaýı aýdan bolmaq. Munda sý arnalary men jasandy kólderi bar Water Garden kesheni, jańa Almaty-3 vokzaly, LRT jelileri, úlken saıabaqtar, jaıaý júrginshiler men gastro kósheleri, sport nysandary salynady.
Sonymen qatar qaladaǵy birqatar mańyzdy nysandar jańartylmaq. Olardyń qatarynda sırk, zoopark, Respýblıka saraıy, teatrlar men iri sport keshenderi bar.
Almatydaǵy nóser jańbyr: Kommýnaldyq qyzmet kúsheıtilgen rejımge kóshti
Jalpy alǵanda, bul jobalar Almatyny zamanaýı, yńǵaıly ári týrıster úshin tartymdy megapolıske aınaldyrýǵa baǵyttalǵan.