Burshaq, jańbyr jáne naızaǵaı: Qazaqstan boıynsha daýyldy eskertý jarııalandy

Aqtóbe oblysynda túnde oblystyń soltústigi men shyǵysynda azdaǵan jańbyr jaýyp, naızaǵaı oınaıdy. Kúndiz oblystyń batysynda, soltústiginde jáne ońtústiginde jańbyr men naızaǵaı kútiledi. Batystan jáne ońtústik-batystan soǵatyn jeldiń jyldamdyǵy túnde oblystyń ońtústigi men shyǵysynda, kúndiz óńirdiń basym bóliginde jel jyldamdyǵy sekýndyna 15-20 metrge deıin jetedi.  Ońtústikte keı ýaqytta 23 m/s bolady. О́ńirde joǵary órt qaýpi saqtalady. Al ońtústik pen shyǵysta tótenshe órt qaýpi kútiledi. Aqtóbe qalasynda da batys jáne ońtústik-batys jeli soǵyp, kúndiz ekpini 15-20 m/s bolady. Joǵary órt qaýpi saqtalady.

Atyraý oblysynda jańbyr jaýyp, naızaǵaı bolady. Kúndiz oblystyń ońtústigi men shyǵysynda keı ýaqytta nóser jańbyr, burshaq jáne daýyldy jel kútiledi. Ońtústik-batys jáne batys jeliniń ekpini 15-20 m/s, keı ýaqytta 23-28 m/s-qa deıin kúsheıedi. Shyǵysta joǵary órt qaýpi saqtalady, al ortalyq pen soltústik-shyǵysta tótenshe órt qaýpi bar. Atyraý qalasynda keı ýaqytta jańbyr jaýyp, naızaǵaı bolady. Jeldiń ekpini 15-20 m/s. Qalada tótenshe órt qaýpi saqtalady.

Qyzylorda oblysynda túnde jáne tańerteń oblystyń ońtústiginde, shyǵysynda jáne ortalyǵynda jańbyr, naızaǵaı jáne daýyldy jel kútiledi. Soltústik pen ortalyqta shańdy daýyl bolady. Batystan jáne ońtústik-batystan soǵatyn jeldiń ekpini 15-20 m/s-qa deıin jetedi. Oblystyń batysy men ortalyǵynda joǵary órt qaýpi, al ońtústigi men soltústiginde tótenshe órt qaýpi saqtalady. Qyzylorda qalasynda túnde jańbyr, naızaǵaı jáne daýyldy jel kútiledi. Jeldiń ekpini 15-20 m/s bolady. Tótenshe órt qaýpi saqtalady.

Almaty oblysynda túnde oblystyń ońtústigi men taýly aımaqtarynda jańbyr jaýyp, keı ýaqytta qatty jańbyr men naızaǵaı bolady. Kúndiz jańbyr, naızaǵaı, al ońtústik pen taýly óńirlerde keı ýaqytta nóser jańbyr, burshaq jáne daýyldy jel kútiledi. Ońtústik-batystan soǵatyn jeldiń ekpini oblystyń soltústiginde, ońtústiginde, shyǵysynda jáne taýly aımaqtarynda 15-20 m/s, keı ýaqytta 25 m/s-qa deıin jetedi. Oblystyń soltústiginde joǵary órt qaýpi saqtalady.

Almaty qalasynda jańbyr jaýyp, naızaǵaı bolady, jeldiń ekpini 15 m/s-qa deıin kúsheıedi. Qonaev qalasynda jańbyr men naızaǵaı kútiledi, jeldiń ekpini 15-20 m/s, keı ýaqytta 25 m/s bolady. Ile Alataýynyń taýly óńirlerinde jańbyr, keı ýaqytta qatty jańbyr, naızaǵaı, kúndiz burshaq pen daýyldy jel bolady.

28 mamyr kúni Almaty qalasynda jańbyr, naızaǵaı jáne jeldiń kúsheıýi kútiledi. Jel ekpini 15 m/s-qa deıin jetedi. Bostandyq jáne Medeý aýdandarynyń taý bókterinde kúndiz burshaq, naızaǵaı jáne ekpini 25 m/s-qa deıin jetetin daýyldy jel bolady.

Qaýipsizdik sharalaryn saqtaý qajet:

aǵashtardyń jáne nashar bekitilgen qurylymdardyń astynda turmaý; taýǵa shyǵýdy shekteý; jolda asa muqııat bolý.

Kóshkin qaýpi bar aımaqtarda qatty jańbyr kezinde:

betkeılerdiń, jarqabaqtardyń jáne turaqsyz topyraq ýchaskeleriniń mańynda bolmaý; taýly aımaqtarǵa saparlar men serýenderden bas tartý; kólikterdi betkeıler men ózen arnalarynyń mańynda qaldyrmaý; jerdegi jaryqtar, topyraq pen tastardyń qulaýy sııaqty belgilerge nazar aýdarý; kóshkin belgileri baıqalsa, qaýipti aımaqtan dereý shyǵyp, 112 nómirine habarlaý usynylady.

Batys Qazaqstan oblysynda túnde oblystyń soltústiginde, shyǵysynda jáne ońtústik-batysynda jańbyr jaýyp, naızaǵaı bolady. Kúndiz jańbyr, naızaǵaı, soltústik pen shyǵysta burshaq jáne daýyldy jel kútiledi. Ońtústik-batys jáne batys jeliniń ekpini kúndiz 15-20 m/s bolady. Oblystyń batysynda, soltústiginde jáne shyǵysynda joǵary órt qaýpi saqtalady. Oral qalasynda kúndiz jańbyr, naızaǵaı, burshaq jáne daýyldy jel kútiledi. Jeldiń ekpini 15-20 m/s bolady. Joǵary órt qaýpi saqtalady.

Pavlodar oblysynda túnde oblystyń batysy men ońtústiginde jańbyr jaýyp, naızaǵaı bolady. Kúndiz jańbyr, naızaǵaı, oblystyń batysynda, ońtústiginde jáne soltústiginde burshaq pen daýyldy jel kútiledi. Ońtústik-batystan soǵatyn jeldiń ekpini kúndiz 15-20 m/s, oblystyń batysy men ońtústiginde keı ýaqytta 23-28 m/s-qa deıin jetedi. Soltústik-shyǵysta tótenshe órt qaýpi saqtalady. Pavlodar qalasynda kúndiz jańbyr jaýyp, naızaǵaı oınap, burshaq túsýi múmkin. Jeldiń ekpini 15-20 m/s bolady.

Shyǵys Qazaqstan oblysynda túnde oblystyń soltústiginde jańbyr men naızaǵaı kútiledi. Kúndiz jańbyr, naızaǵaı, soltústik pen shyǵysta qatty jańbyr, burshaq jáne daýyldy jel bolady. Ońtústik-shyǵys jeli ońtústik-batysqa aýysady, oblystyń batysynda, soltústiginde jáne shyǵysynda jel ekpini 15-20 m/s, kúndiz keı ýaqytta 23-28 m/s-qa deıin kúsheıedi. Oblystyń batysy men ońtústiginde joǵary órt qaýpi saqtalady. О́skemende jańbyr jaýyp, naızaǵaı bolady, kúndiz burshaq pen daýyldy jel kútiledi. Jeldiń ekpini 15-20 m/s bolady.

Abaı oblysynda túnde oblystyń shyǵysy men ortalyǵynda jańbyr jaýyp, naızaǵaı bolady. Kúndiz jańbyr, naızaǵaı, burshaq, daýyldy jel, al ońtústikte qatty jańbyr kútiledi. Ońtústik-shyǵys jeli ońtústik-batysqa aýysady. Túnde oblystyń soltústigi men ońtústik-batysynda, kúndiz batysynda, soltústiginde jáne ortalyǵynda jeldiń ekpini 15-20 m/s, keı ýaqytta 23-28 m/s-qa deıin jetedi. Joǵary órt qaýpi saqtalady, al shyǵysta tótenshe órt qaýpi bar. Semeıde kúndiz jańbyr, naızaǵaı, burshaq jáne daýyldy jel kútiledi. Jeldiń ekpini 15-20 m/s bolady. Joǵary órt qaýpi saqtalady.

Jambyl oblysynda túnde oblystyń soltústiginde, batysynda, ońtústiginde jáne taýly aýdandarynda jańbyr men naızaǵaı bolady. Taýly aımaqtarda keı ýaqytta qatty jańbyr, burshaq jáne daýyldy jel kútiledi. Kúndiz jańbyr, naızaǵaı, taýly óńirlerde qatty jańbyr, burshaq jáne daýyldy jel bolady. Ońtústik-batys jeliniń ekpini oblystyń ońtústik-batysynda, soltústik-shyǵysynda jáne taýly aýdandarynda 15-20 m/s, keı ýaqytta 23-28 m/s-qa deıin kúsheıedi. Soltústikte joǵary órt qaýpi saqtalady. Tarazda tańerteń jáne kúndiz jańbyr jaýyp, naızaǵaı oınap, burshaq túsýi múmkin. Jeldiń ekpini 15-20 m/s, keı ýaqytta 23-28 m/s bolady.

Jetisý oblysynda oblystyń ońtústiginde, shyǵysynda, ortalyǵynda jáne taýly aýdandarynda jańbyr men naızaǵaı kútiledi. Kúndiz shyǵysta jáne taýly aımaqtarda keı ýaqytta qatty jańbyr men burshaq bolady. Ońtústik-batystan soǵatyn jeldiń ekpini oblystyń soltústiginde, shyǵysynda, ortalyǵynda jáne taýly aýdandarynda 15-20 m/s, keı ýaqytta 23-28 m/s-qa deıin jetedi. Joǵary órt qaýpi saqtalady, shyǵysta tótenshe órt qaýpi bar. Taldyqorǵanda kúndiz jańbyr men naızaǵaı kútiledi. Joǵary órt qaýpi saqtalady.

Qostanaı oblysynda jańbyr jaýyp, naızaǵaı bolady. Oblystyń batysy men soltústiginde keı ýaqytta qatty jańbyr, burshaq jáne daýyldy jel kútiledi. Ońtústik-batystan soǵatyn jeldiń ekpini 15-20 m/s, oblystyń ońtústigi men shyǵysynda keı ýaqytta 23-28 m/s-qa deıin kúsheıedi. Soltústik-batysta, batysta, ońtústikte jáne shyǵysta joǵary órt qaýpi saqtalady. Qostanaı qalasynda jańbyr, naızaǵaı, burshaq jáne daýyldy jel bolady. Jeldiń ekpini 15-20 m/s. Joǵary órt qaýpi saqtalady.

Túrkistan oblysynda túnde jáne tańerteń oblystyń batysynda, soltústiginde, taýly jáne taý bókterindegi aýdandarda jańbyr, naızaǵaı jáne daýyldy jel kútiledi. Soltústikte qatty jańbyr men burshaq bolady. Ońtústik-batys jeliniń ekpini oblystyń batysynda, soltústiginde, ońtústiginde, taýly jáne taý bókterindegi aımaqtarda 15-20 m/s, keı ýaqytta 23-28 m/s-qa deıin jetedi. Soltústikte tótenshe órt qaýpi saqtalady. Shymkentte túnde jáne tańerteń jańbyr, naızaǵaı jáne daýyldy jel kútiledi. Jeldiń ekpini 15-20 m/s bolady. Túrkistan qalasynda túnde jańbyr, naızaǵaı jáne daýyldy jel bolady. Jeldiń ekpini 15-20 m/s.

Mańǵystaý oblysynyń soltústigi men shyǵysynda jańbyr jaýyp, naızaǵaı bolady. Túnde jáne tańerteń oblystyń batysynda tuman túsedi. Soltústik pen ortalyqta shańdy daýyl kútiledi. Ońtústik-batys jeliniń ekpini oblystyń batysynda, soltústiginde jáne ortalyǵynda 15-20 m/s bolady. Soltústikte, shyǵysta jáne ortalyqta joǵary órt qaýpi saqtalady, al soltústik-shyǵysta tótenshe órt qaýpi bar. Aqtaýda túnde jáne tańerteń tuman kútiledi.

Soltústik Qazaqstan oblysynda túnde oblystyń ońtústik-batysynda jańbyr men naızaǵaı bolady. Kúndiz jańbyr, naızaǵaı, burshaq jáne daýyldy jel kútiledi. Ońtústik-shyǵys jeli ońtústik-batysqa aýysady. Túnde oblystyń batysynda, soltústiginde jáne ońtústiginde, kúndiz ońtústigi men shyǵysynda jeldiń ekpini 15-20 m/s, keı ýaqytta 23-28 m/s-qa deıin kúsheıedi. Batys pen soltústik-shyǵysta joǵary órt qaýpi saqtalady. Petropavlda kúndiz jańbyr, naızaǵaı, burshaq jáne daýyldy jel bolady. Jeldiń ekpini 15-20 m/s. Joǵary órt qaýpi saqtalady.

Aqmola oblysynda jańbyr jaýyp, naızaǵaı bolady. Túnde oblystyń batysynda, kúndiz soltústigi men shyǵysynda qatty jańbyr, burshaq jáne daýyldy jel kútiledi. Ońtústik-shyǵys jeli ońtústik-batysqa aýysady. Túnde oblystyń batysy men ońtústiginde, kúndiz batysynda, ońtústiginde jáne shyǵysynda jeldiń ekpini 15-20 m/s, keı ýaqytta 23-28 m/s-qa deıin jetedi. Batys pen ońtústikte joǵary órt qaýpi saqtalady, al ońtústik-shyǵysta tótenshe órt qaýpi bar. Kókshetaýda keı ýaqytta jańbyr jaýyp, naızaǵaı bolady, kúndiz burshaq pen daýyldy jel kútiledi. Jeldiń ekpini 15-20 m/s.

Astanada jańbyr jaýyp, naızaǵaı bolady, kúndiz burshaq túsýi múmkin. Ońtústik-batys jeliniń ekpini 15-20 m/s-qa deıin kúsheıedi.