Astanada júk kóligi kámeletke tolmaǵan balany qaǵyp ketti. Bala oqıǵa ornynda kóz jumdy, dep habarlaıdy Egemen.kz.
Polısııa departamentiniń málimetinshe, qaıǵyly oqıǵa Táýelsizdik dańǵylyndaǵy Pýshkın kóshesine burylys mańynda bolǵan.
«2026 jylǵy 26 mamyrda Mercedes markaly júk avtokóliginiń júrgizýshisi Táýelsizdik dańǵylymen kele jatyp, Pýshkın kóshesine ońǵa burylý kezinde joldyń júrý bóligin kesip ótip bara jatqan velosıpedshini qaǵyp ketken. Jol-kólik oqıǵasy saldarynan kámeletke tolmaǵan bala alǵan jaraqattarynan oqıǵa ornynda qaıtys boldy», delingen polısııa departamentiniń resmı habarlamasynda.
Atalǵan fakti boıynsha qylmystyq is qozǵaldy.
Petropavlda Porsche Cayenne kóligi 12 jastaǵy qyzdy qaǵyp ketti