Vladımır Pýtın óz maqalasynda Reseı men Qazaqstan iri saýda seriktesteri ekenin atap ótti, dep jazady Egemen.kz.
«Reseı men Qazaqstan – iri saýda seriktesteri. Elderimiz birneshe jyl qatarynan eksport pen ımport kóleminiń joǵary deńgeıin turaqty saqtap keledi. Alys-beristiń basym bóligin ulttyq valıýta arqyly júzege asyryp jatyrmyz. Reseıdiń Qazaqstan ekonomıkasyna salǵan kapıtalynyń jalpy kólemi – shamamen 30 mıllıard dollar. Al Qazaqstandaǵy sheteldik kapıtaly bar zańdy tulǵalardyń 40 paıyzdan astamy – reseılik seriktestermen birlesip qurǵan kompanııalar. Respýblıkada Reseı ınvestorlarynyń qatysýymen 70-ke jýyq iri joba iske asyrylyp jatyr. Sonyń ishinde avtokólik qurastyrý, aýyr mashına jasaý, hımııa ónerkásibi jáne basqa da tehnologııalyq salalarǵa qatysty tyń jobalar bar. Sonyń arqasynda qazirdiń ózinde 60 myńnan astam jańa jumys orny ashyldy», deıdi Pýtın.
Sonymen qatar eki eldiń energetıka salasyndaǵy yntymaqtastyǵy da qarqyndy damyp kele jatqanyn atap ótti.
«Qazaqstannyń álemdik naryqqa baǵyttalǵan munaı eksportynyń 80 paıyzdan astamy Kaspıı qubyr konsorsıýmy (KQK), ıaǵnı Reseı aýmaǵy arqyly ótedi. Respýblıkany energııamen turaqty qamtamasyz etý úshin «Gazprom» kompanııasynyń qatysýymen ulttyq gaz tasymaldaý ınfraqurylymyn ońtaılandyrýdy jáne keńeıtýdi josparlap otyrmyz. Sonymen qatar Reseıdiń bıznes ókilderi Qazaqstandaǵy seriktesterine balamaly jáne «taza» energetıka salasyna qajetti biregeı ázirlemeler men tehnologııalardy usynyp otyr», dedi Reseı Prezıdenti.
Aıta keteıik, Vladımır Pýtınniń Qazaqstanǵa memlekettik sapary qarsańynda «Egemen Qazaqstan» gazetine maqalasy jarııalandy.