[caption id="attachment_47886" align="aligncenter" width="560"] vk.com[/caption]
Fýtboldan AQSh-ta ótip jatqan Amerıka kýbogy týrnıriniń jartylaı fınalynda Argentına quramasy AQSh komandasymen Hıýston qalasynda kezdesti.
AQSh – Argentına 0:4
Stadıon: «Relıant».
Tóreshi: Enrıke Kaseres.
AQSh: Gýzan Bred, Iedlın DeAndre, Kemeron Djeff, Brýks Djon, Ionson Fabıan, Zýsı Grem, Bredlı Maıkl, Bekkerman Kaıl (Bırnbaým Stıv 60), Zardes Gıası, Vondolovskı Krıs (Pýlıshıch Krıstıan 46), Dempsı Klınton (Nagbe Darlıngton 78).
Argentına: Romero Serhıo, Merkado Gabrıel, Otamendı Nıkolas, Fýnes Morı, Roho Markos (Kýesta Vıktor 84), Fernandes Aýgýsto (Bılıa Lýkas 60), Maskerano Haver, Banega Ever, Messı Lıonel, Igýaın Gonsalo, Lavessı Esekel (Lamela Erık 67).
Goldar: Lavessı Esekel 3, Messı Lıonel 30, Igýaın Gonsalo 50, 86
Eskertý alǵan: Vondolovskı Krıs 31
О́tken jyly dál osy týrnırdiń fınalynda Argentına Chılı quramasynan jeńilgen bolatyn. Bıylǵy kezekten tys ótip jatqan Amerıka kýbogyn jeńý úshin baryn salýda. Jolynda kezdesken qarsylastaryn iri eseppen utyp kelgen «albıseleste» oıynshylary AQSh komandasyn da oısyrata jeńdi. Lıonel Messı bastaǵan komandanyń soqqan tórt birdeı golyna AQSh ese qaıtara almady.
Kezdesý Argentınanyń aıqyn basymdylyǵymen ótti. Tóreshiniń ysqyryǵy shalyna sala shabýylǵa kóshken olar nebári 3-mınýtta esep ashty. Messıdiń ádemi pasyn jerge túsirmesten qaqpaǵa baǵyttaǵan Lavessı alǵashqy goldyń ıesi atandy. Al «Barselona» fýtbol klýbynyń oıynshysy bul oıynda da golsyz qaıtpady. 30-mınýtta aıyp dobyn oryndaǵan ol Gýzan Bred turǵan buryshtaǵy toǵyzdyqqa dál túsirdi. Qaqpashy bul soqqyǵa tótep bere almady. Osynyń arqasynda óz quramasynyń tarıhynda Gabrıel Batıstýtadan ozyp, úzdik surmergen atandy.
Argentına munymen qoımaı, ekinshi taımda qarsylastaryna taǵy eki dopty toǵytty. Matchtyń 50-mınýtynda Esekkel Lavessıdiń áýeletken dobyna qaqpashydan buryn úlgergen Gonsalo Igýaın esepti eseleı tússe, oıyn aıaqtalar tusta, Messıdiń pasyn bos qaqpaǵa soǵyp, eki goldyń avtory atandy.
Aıan Ábdýálı.