[caption id="attachment_47902" align="aligncenter" width="560"] vk.com[/caption]
Fýtboldan Eýropa chempıonatynyń F tobynda óner kórsetetin Vengrııa men Portýgalııa qurama komandalary Lıon qalasynda kezdesti.
Vengrııa – Portýgalııa 3:3
Stadıon: «Lıýmer».
Tóreshiler: Atkınson Martın, Mallarkı Maıkl, Chaıld Stıven (bári – Anglııa), Kýlbakov Alekseı (Belarýs).
Vengrııa: Kıraı, Lang, Gýzmıch, Iýhas, Korhýt, Gera (Beshe 46), Pınter, Lovrenchıch (Shtıber 83), Elek, Djýdjak, Salaı (Nemet 71).
Portýgalııa: Rýı Patrısıý, Vıeırınıa, Pepe, Karvalıý, Elızeý, Joaý Marıý, Karvalıý, Moýtınıý (Sanches 46), Gomesh (Kýarejma 61), Nanı (Danılý 81), Krıshtıaný Ronaldý.
Goldar: Gera 19, Djýdjak 47, 55 – Nanı 42, Ronaldý 50, 62
Eskertý alǵandar: Gýzmıch 13, Iýhas 28, Gera 34, Djýdjak 56
Bul kezdesý ásirese, Portýgalııa quramasy úshin mańyzdy edi. Toptyq kezeńdegi úsh oıynnyń úsheýin de teń eseppen aıaqtaǵan olar dúbirli dodanyń pleı-off kezeńine shyqty. 1/8 fınalda portýgaldar Horvatııa quramasymen baq synasatyn bolady.
Match asa tartysty ótti. Jan alysyp, jan berisken oıynda 3:3 esebi tirkeldi. Kezdesý barysynda vengrler alǵash bolyp 13-mınýtta Gýmıchtiń kómegimen birinshi goldy soqsa, Portýgalııa sapynan Nanı 42-mınýtta tarazy basyn teńestirip ketti. Degenmen, kóp uzamaı, 47-mınýtta Vengrııa oıynshysy Djýdjak Rýı Patrısıýdiń qaqpasyna ekinshi dopty toǵytty. Oıynnyń osy bóligi naǵyz qyzǵan shaǵy edi. Birin-biri ańdysqan qos komanda kezek-kezegimen goldardy soǵyp jatty. Bul týrnırde baǵy janbaı júrgen Ronaldý 50-mınýtta esepti 2:2 etse, 55-mınýtta Djýdjak óz komandasyn taǵy da alǵa shyǵardy. Tartysqa toly ótken oıynda Ronaldý 62-mınýtta dýbl ıesi atanyp, Portýgalııany 1/8 fınalǵa alyp shyqqan mańyzdy golyn soqty.
Aıan Ábdýálı.