Ulylardy ulyqtaý

Qazaqstannyń Ankaradaǵy kúnderi erekshe tabyspen ótýde Anadoly jerinde Qazaq eli men túrik jurtynyń baýyrlasty­ǵyn aıǵaqtaı túsetin kezekti ma­ńyz­dy shara ótip jatyr. Muny uıymdastyrýǵa Qazaqstannyń Túrkııadaǵy elshiligi uıytqy boldy. El men eldi jaqyndastyryp, halyqaralyq qatynastardy il­geriletýge zor úles qosyp júrgen elshi Janseıit Túımebaevtyń ózindik qoltańbasy taǵy da kórindi. Eki kún boıy túrik aǵaıyndar bizdiń kúmbirlegen kúılerimizdi, dástúrli ánderimizdi tyńdap, myń buralǵan bıimizdi tamashalady. Olar ónerpazdarymyzdy qoshe­metteýden jalyqqan joq. Alǵashqy kúni «Adyrna» folklorlyq-etnografııalyq ansambli men «Altynaı» memlekettik halyqtyq bı ansambli óner kórsetti. Jer­gilikti halyqtyń qazaq jerinen kelgen óner­pazdarǵa yqylasy aıryqsha boldy. Budan soń Qazaqstan kúnderi Ankara­nyń Kechıoren aýdanynda jalǵasty. Qazaq ónerpazdary on myńǵa tarta adam jıylatyn alańda konsert qoıdy. Túrikter osy konsertten de keremet áser alǵanyn jasyrmady. Qazaqqa o bastan búıregi buryp tura­tyn túrikter jolynan jańyl­ǵan joq. Osynaý kúnder aıasynda Ankara­da qazaqtyń aqıyq aqyny Súıinbaı Aronulynyń músini ornatyldy. Ol Kechıoren shaǵyn aýdanynda byltyr ashylǵan Súıinbaı saıabaǵyna qonys tepti. Bul sharaǵa dıplomatııalyq ókildik­ter basshylary, ákimdik qyzmetkerleri, qazaq jáne túrik zııalylary, elden kelgen Súıinbaı aqynnyń urpaqtary qatysty. Olar eskertkishke gúl shoqtaryn qoıdy, aqyn rýhyna quran baǵyshtady. Bıýstiń bıiktigi eki metrden asady. Bul týyndynyń avtory – belgili músinshi Nurǵalym Isabaev. Shara barysynda Súıinbaıdyń óleń-jyrlary oryndaldy. Ankara­nyń Kechıoren aýdanynyń ákimi Mus­tafa Ak óz sózinde: – Túrik áleminiń ortaq tul­ǵasy Súıinbaı Aronulyna meniń qurmetim aıryqsha. Ol óz ǵumyryn jurtynyń bereke-birligi men yntymaǵyna arnaǵan aqyn. Byltyr onyń týǵanyna 200 jyl tolý qurmetine aýdannyń eń kórikti jerinen saıabaq ashqanbyz. Endi eskertkishin ornattyq. Bul qadam qazaq pen túriktiń baýyrlastyǵyn bekite túsedi, – dedi. Sóıtip, Súıinbaı músini Ankara tórinde ornyqqan qazaqtyń ta­ny­mal tulǵalaryna qoıylǵan bir­qatar eskertkishterdiń qataryn tolyqtyrdy. Túrik jerinde ótip jatqan Qazaq­stan kúnderi aıasynda «Me­niń pirim – Súıinbaı, Sóz sóı­lemen syıynbaı!» dep jyr­laǵan Jambyl Jabaevtyń 170 jyldyǵy toılanýda. Ankarada jyr alybynyń mereıtoıyna oraı halyqaralyq konfe­rensııa uıymdastyrylyp, merekelik konsert qoıyldy. «Adyrna» men «Alty­naı» ansamblderi bul joly da babynda ekenin tanytty. Jambyl shyǵar­mashy­lyǵymen birshama tanystyǵy bar Dje­mıle Kynadjy degen ǵalym bylaı dedi: – Bizdiń Anadolyda Pirsultan Abdal degen aqyn bar. Jambyl men sol aqyn­n­yń óleńderinen úılesimdiliktiń mysaldaryn kóp­tep kezdestirdim. Bul shyǵar­malar­­dyń ishki rýhanı baılanysy ań­ǵarylyp turady. Ekeýi de poe­zııa­lyq qýaty myq­ty aqyn. Ekeýi de halyqqa qamqor bol­ǵan shaıyr­lar. Ekeýi de eldiń óz tili­men jyr­laıdy. Túrik baýyrlardyń yqylasyn kórgen qazaqstandyqtar da aıanyp qalǵan joq. Olar sharany uıym­dastyrǵan aýdannyń ákimine shapan jaýyp, aqynnyń portretin syıǵa tartty. Almaty oblysynan kelgen delegasııa quramynda oblys ákimi­niń orynbasary Baqtııar О́nerbaev, mem­leket jáne qoǵam qaıratkeri Shámsha Berkim­baeva, belgili jazýshy, «Qazaq áde­bıeti» gazetiniń bas redaktory Juma­baı Shashtaıuly, Súıinbaı aqynnyń urpaǵy Ǵabıt Sadyrbaev jáne basqalar bar. Túrik jurtynyń qazaq tulǵa­laryn ulyqtaýy munymen ǵana shektelmeıtin sııaqty. Ankaranyń Kechıoren aýdanynyń ákimshiligi kelesi jyly Jambyl aqynǵa arnap eskertkish ashýdy kózdep otyr. Soǵan qaraǵanda «Syı qyl­sań, sypyra qyl» degen naqyl sóz túrik baýyrlarǵa da jat emes bolýy kerek. Albına ÁShIM, «Egemen Qazaqstan» –  Ankaradan ANKARA