Qazaqstan týraly fılm túsirip jatyr
Kórshi elden arnaıy kelgen rejısser Sergeı Shanovıch telejobasynyń «Jaılaýǵa jylqy aıdaý» dep atalatyn bóliminiń túsirilýine Qazaq geografııalyq qoǵamy áriptestik tanytyp, kómek kórsetip otyr. Bul bólim túsirilim jobasyndaǵy eń mańyzdy mazmun jylqynyń kóshpendiler uǵymynda táýelsizdikti, derbestik pen asqaq muratty beıneleıtindigin kórsetetin sát bolmaq.
Tabıǵı ekojúıeni saqtaýǵa, jerdi tozdyrmaýǵa aıryqsha den qoıǵan baıyrǵy babalarymyzdan ulasyp kele jatqan «jaılaýǵa kóshý» dástúri qazir de ózektiligin joıǵan joq.
Sergeı Shanovıch komandasyna tipti, Almaty oblysyndaǵy Túrgen shatqalynda jylqy úıiriniń kósh jolyn túsirip alýdyń da oraıy kelgen. Sonymen qatar, túsirilim jumystary teńiz deńgeıinen 2200-2600 metr bıikte jatqan, kúzgi bozqyraýǵa deıin jaıylym bolar shóbi shúıgin, shuraıly Asy jaılaýynda jalǵasýda.
Bul iske atbegi, búrkitshi, saıys óneriniń sheberlerimen qatar, qazirgi tańda umytylyp bara jatqan – ándi eskishe kómeımen aıtý óneriniń maıtalmandary Arkayim tobynyń músheleri Anar Qasymova men Abzal Aryqbaev qatysty.
Qanat ESKENDIR,
«Egemen Qazaqstan»
ALMATY