Eýrazııa ulttyq ýnıversıteti janyndaǵy «Otyrar kitaphanasy» ǵylymı ortalyǵynyń uıymdastyrýymen 1916 jylǵy Ult-azattyq kóteriliske – 100 jyl tolýyna oraı «Er qazaq ejelden – erkindik ańsaǵan» atty kórme ashyldy. Apta boıy halyqqa qyzmet kórsetip, kórmege 1916 jylǵy Ult-azattyq kóterilistiń muraǵat qujattary, kóteriliske qatysty sýretter men zertteýler, aqyn-jazýshylardyń shyǵarmalary ornalastyryldy. Sonymen qosa, «Otyrar kitaphanasy» ǵylymı ortalyǵynyń dırektory, jazýshy Tursyn Jurtbaıdyń bastamasymen daıyndalǵan 3 tomdyq basylymnyń qoljazbasy qoıylady.
Basty maqsat – táýelsizdik jolynda oıanǵan ulttyq sana, ata-babalarymyzdyń qandy joryqtary, daýyldy azattyq kúres joldary, el bostandyǵy men birlik jolyn kórermenge ashyq kórsetý, uǵyndyrý. Kórme ashylýynyń alǵashqy kúninde L.N.Gýmılev atyndaǵy Eýrazııa ulttyq ýnıversıtetiniń prorektory, fılologııa ǵylymdarynyń doktory Dıqan Qamzabekuly arnaıy quttyqtaý tilegin bildirdi.
3 tomdyq qoljazbany jınaýǵa kitaphananyń barlyq ǵylymı qyzmetkerleri bir kisideı atsalysqan. Janbolat Káripbaev muraǵattyq eńbektermen aınalysqan, bul iske «Almaty qalasynyń Ortalyq memlekettik muraǵattyq qorynyń» úlken kómegi tıgenin tilge tıek etti. Qoljazbany kitap etip shyǵarýǵa Ulttyq akademııalyq kitaphana jáne «Otyrar kitaphanasy» ǵylymı ortalyǵynyń qyzmetkerleri birigip, bir kisideı atsalysyp jatyr.
Ardaq SAMATQYZY,
Q.A.Iаsaýı atyndaǵy Halyqaralyq qazaq-túrik ýnıversıtetiniń stýdenti