Qazaqstannyń belgili ǵalymy, tehnıka ǵylymdarynyń doktory, ǵylymǵa eńbegi sińgen qaıratker, professor, ulttyq ınjenerııa ǵylymdary akademııasynyń akademıgi Skanderbek Joldasbekov 61 jasynda kenetten qaıtys boldy.
Marqum ómiriniń sońyna deıin Qazaqstan Bilim jáne ǵylym mınıstrligine qarasty О́.A.Joldasbekov atyndaǵy mehanıka jáne mashınataný ınstıtýtynyń bas dırektory bolyp qyzmet atqarǵan.
«Ǵylym ordasy» (Ǵalymdar úıi) respýblıkalyq memlekettik kásipornynyń habarlaýynsha, akademıkpen qoshtasý 2 shilde kúni saǵat 10-da osy kásiporynnyń Almaty qalasy, Qurmanǵazy kóshesi, 29-úıde ornalasqan ǵımaratynda ótkiziledi.
Skanderbek Joldasbekov – qazaq ǵylym men bilim berý salasynda aıryqsha orny bar tulǵa О́mirbek Aryslanuly Joldasbekovtiń uly.
Joldasbekov Skanderbek О́mirbekuly — qozǵalmaly kóp satyly joǵary klasty keńistikti tetik mehanızmi salasyndaǵy belgili ǵalym. Amerıka ınjener-mehanıkter qoǵamynyń, halyqaralyq ınjenerler akademııasynyń, Halyqaralyq «Ekologııalyq rekonstrýksııa» akademııasynyń, Qazaqstan Respýblıkasy ulttyq ınjenerııa akademııasynyń tolyq múshesi, Qazaqstannyń teorııalyq jáne qoldanbaly mehanıka ulttyq komıtetiniń múshesi. Ol joǵary klasty mehanıka teorııasyn damytýǵa qosqan zor úlesi úshin V.G.Shýhov atyndaǵy altyn medalge ıe bolǵan. Ǵalym 140-tan astam ǵylymı jumystar men jańalyqtardyń, 5 oqý jáne tásildeme quraldarynyń, 4 monografııanyń avtory.
Talǵat RAIYMBEK.