Bas prokýratýra jáne IIM-niń Interpol Ulttyq ortalyq bıýrosynyń qyzmetkerleri Qazaqstannyń Chernogorııadaǵy elshiliginiń kómegimen asa iri kólemde qarajat urlaǵan úshin qylmystyq jaýapkershilikke tartý maqsatynda atalǵan elden túrik azamatyn ekstradısııalady, dep habarlaıdy Egemen.kz.
Tergeý barysynda atalǵan jeke tulǵa qurylys kompanııasynyń basshysy bola otyryp, 2022-2024 jyldar aralyǵynda jalǵan kelisimsharttar jasap jáne úlestes uıymdar arqyly Almatydaǵy turǵyn úı keshenderiniń qurylysyna arnalǵan 6 mlrd teńgeden astam qarajatty jymqyrǵany anyqtaldy.
Qylmys jasaǵannan keıin kúdikti jasyrynyp, oǵan halyqaralyq izdeý jarııalanǵan.
«2025 jyldyń naýryz aıyndada ol Chernogorııada ustalyp, Bas prokýratýranyń suraýy boıynsha Qazaqstanǵa ekstradısııalandy. Qazirgi ýaqytta kúdikti tergeý ızolıatoryna qamaýǵa alyndy», delingen habarlamada.Kúdikti qylmysty jasaǵany úshin múlki tárkilenip, 10 jylǵa deıingi merzimge bas bostandyǵynan aıyrý jazasy qarastyrylǵan.
Aıta keteıik, buǵan deıin Qazaqstannyń Ispanııadaǵy elshiliginiń qoldaýymen Barselona qalasynan laýazymdyq ókilettikterdi teris paıdalanǵan jáne qyzmettik jalǵandyq jasaý faktileri boıynsha kúdikke ilingen Qazaqstan azamatyn ekstradısııalandy.