Qazaqstanda áıelderge zorlyq-zombylyq kórsetýgk qarsy respýblıkalyq aqparattyq naýqan bastaldy. Is-shara nekege májbúrleý, stalkıng jáne áıelderge qatysty ózge de zorlyq-zombylyqqa tózbeý qaǵıdatyn qalyptastyrýǵa jáne azamattardyń quqyqtyq saýattylyǵyn arttyrýǵa baǵyttaldy, dep habarlaıdy Egemen.kz.
Naýqannyń maqsaty – árbir áıel men qyz bala úshin qaýipsiz orta qalyptastyrý, zorlyq-zombylyqqa jol joq ekenin jáne bundaı áreket mindetti túrde jaýapkershilikke ákeletinin kópshilikke nasıhattaý.
Mádenıet jáne aqparat mınıstrlginiń málimetinshe, atalmysh naýqan aıasynda mektepterde, kolledjderde, joǵary oqý oryndarynda jáne eńbek ujymdarynda kezdesýler ótedi. Sonymen qatar zańger, polısııa qyzmetkerleri men psıhologtardyń qatysýymen dárister, jastarǵa arnalǵan jeke shekara jáne qaýipsiz orta týraly trenıngter, ata-analarmen balalardy qysym men manıpýlıasııadan qalaı qorǵaý qajettigi týraly kezdesýler uıymdastyrylady.
Astanada 82 jastaǵy qarııa shóberesine zorlyq-zombylyq kórsetkeni úshin 20 jylǵa sottaldy
Teledıdar men ınternet keńistiginde áleýmettik rolıkter, podkastar jáne máseleni tereń biletin sarapshylardyń qatysýymen suhbattar jarııalanady. Naýqanǵa blogerler men qoǵamdyq pikir kóshbasshylary da qatysady.
Zorlyq-zombylyqqa ushyraǵan balalarǵa kómek kórsetý kabınetteri ashylady
Naýqan aıasynda «QURMET» chellendji jarııalanady. Qatysýshylar áleýmettik jelilerde foto, beıne jáne qysqa mátinder jarııalap, qurmet pen jeke shekara uǵymy týraly óz pikirin bólise alady.
Aıta keteıik, naýqan naýryz aıynyń 10-yna deıin jalǵasady.
Astanada zorlyq-zombylyq kórgen áıelder men balalarǵa qoldaý kórsetildi