Astanada ótip jatqan О́ńirlik ekologııalyq sammıttiń plenarlyq otyrysynda Prezıdent Qasym-Jomart Toqaev jańartylǵan energııa kózderi týraly atap ótti, dep habarlaıdy Egemen.kz.
Qazaqstan 2030 jylǵa qaraı jańartylatyn energııa kózderiniń úlesin 15 paıyzdan asyrýdy jáne iri energetıkalyq nysandardan aýaǵa taraıtyn zııandy shyǵaryndylardy 35 paıyzǵa azaıtýdy josparlap otyr.
«Ádil jáne teńquqyly energetıkalyq modelge kóshý negizgi basymdyq sanalady. Qazirgi ýaqytta Qazaqstanda elektr qýatynyń 7 paıyzdan astamy jańartylatyn energııa kózderinen alynady. 2030 jylǵa qaraı bul kórsetkishti 15 paıyzdan asyrýdy josparlap otyrmyz», dedi Prezıdent.
Astanada Halyqaralyq sý uıymyn qurý boıynsha konsýltasııalardyń birinshi kezeńi ótedi
Memleket basshysynyń aıtýynsha, biz munaı-gaz qory mol memleketterdiń qataryna kiremiz. Soǵan qaramastan, elimiz ornyqty energetıka maqsattarynan aınymaıdy.
«Álemdik ýran eksportynyń shamamen 40 paıyzyn qamtamasyz etetin Qazaqstan kómirteksiz elektr energetıkasyn damytýdy quptaıdy. Búginde alǵashqy atom elektr stansııasynyń jobasyn pysyqtap jatyrmyz. Sonymen qatar «taza kómir» tehnologııasy negizinde jylý elektr stansııalaryn jańǵyrtýdy qolǵa aldyq. Osylaısha, iri energetıkalyq nysandardan aýaǵa taraıtyn zııandy shyǵaryndylardy 35 paıyzǵa azaıtamyz», dedi Prezıdent.
Toqaev: Aral teńizi salǵyrttyqtyń saldary qandaı qasiretke ákelip soǵatynyn eske salady