Astanadaǵy Prezıdent ortalyǵynda «Astana Eurasian Book Fair – 2026» IX Halyqaralyq kitap kórme-jármeńkesiniń saltanatty ashylý rásimi ótti. Ortalyq Azııadaǵy eń aýqymdy mádenı-aǵartýshylyq sharaǵa memleket jáne qoǵam qaıratkerleri, tanymal qalamgerler men sheteldik elshiler qatysyp jatyr, dep habarlaıdy Egemen.kz.
«Astana Eurasian Book Fair – 2026» kitap kórme-jármeńkesin Mádenıet jáne aqparat mınıstrligi, Astana qalasynyń ákimdigi jáne «Qazaq Creative» Kreatıvti ındýstrııalardy damytý qorynyń qoldaýymen «Folıant» baspasy uıymdastyryp otyr.
«Astana Eurasian Book Fair – 2026» kórmesine 80-nen astam kitap shyǵarý, tanymdyq-ǵylymı bilim berý jáne polıgrafııalyq kompanııalar qatysady. Onyń teń jartysy – otandyq uıymdar. Sondaı-aq Qazaqstan, Reseı, Túrkııa, Qyrǵyzstan, О́zbekstan, Ázerbaıjan, Mońǵolııa, Ispanııa, Qytaı, Iran, Belarýs, Portýgalııa, Venesýela, Ulybrıtanııa elderinen kóptegen uıym qatysqaly otyr.
Túrkistandy tutastandyrǵan kitap jármeńkesi
«Astana Eurasian Book Fair – 2026» kitap kórme-jármeńkesi bes kúndik mádenı-iskerlik baǵdarlamadan turady. Kórme aıasynda jańa kitaptardyń tusaýkeserleri, avtormen kezdesý, avtograf-sessııalar, balalar alańynda arnaıy sheberlik saǵattary ótkiziledi.
Atap aıtqanda, Túrkııa Mádenıet jáne týrızm mınıstrliginiń qoldaýymen jaryq kórgen «Túrik ashanasy» kitabynyń, Bekarys Shoıbekovtiń «Aıtystyń altyn aıdar Bekarysy» aıtystar jınaǵynyń, Marjan Ershýdiń «Jalǵyz qol» poemasynyń, «Zamandastar» serııasymen shyqqan «Eldos Smetov. Tózim. Senim. Jeńis» kitabynyń, Erlan Qojabaevtyń «Qazaq oıýlary» fotoalbomynyń, Anjeı Sapkovskııdiń «Mystanger» fantastıkalyq shyǵarmasynyń, Ularbek Dáleıdiń «Batý han» tarıhı romanynyń, Álisher Rahattyń «Iesiz kóleńke», ıspan jazýshysy Haver Moronyń «Úmit sapary», Ernest Hemıngýeıdiń «Qońyraý kimdi joqtaıdy», Ázerbaıjan aqyny Rásmııa Sabırdiń «О́leń-áıel», Baıyt Qabanulynyń «Mońǵol-óleń» kitabynyń, Nursultan Myqtybaıdyń «Aq Jaıyqtyń kóz jasy», sondaı-aq «Túrkistan – máńgilik ári árdaıym jańa» jáne «Dımash Qudaıbergen. Sheksiz mýzyka» atty kitap-albomdarynyń tanystyrylymy ótedi.
Almatydaǵy kitap jármeńkesine 30 myń adam qatysty
Sondaı-aq Ulttyq kitap kúni merekesine oraı 23 sáýirde Qazaqstan Respýblıkasynyń Mádenıet jáne aqparat mınıstrligi uıymdastyrǵan respýblıkalyq «Ulttyq kitap» baıqaýynyń nátıjesi boıynsha jeńimpaz baspalardy marapattaý rásimine arnalǵan saltanatty shara ótedi.
Aıta keteıik, 22-26 sáýir aralyǵynda Astana qalasyndaǵy Qazaqstan Respýblıkasy Prezıdentiniń ortalyǵynda «Astana Eurasian Book Fair – 2026» IX Halyqaralyq kitap kórme-jármeńkesi ótedi.