О́ńirlik sammıttiń plenarlyq otyrysynda Prezıdent elimizde bıoalýantúrlilikti saqtaý maqsatynda qolǵa alynǵan sharalardyń nátıjesine toqtaldy, dep habarlaıdy Egemen.kz.
«Bıoalýantúrlilikti saqtaý – ekologııalyq saıasatymyzdyń negizgi baǵyttarynyń biri. Tabandy eńbek nátıje berdi. Joıylý qaýpi tóngen aqbókender qaıta kóbeıdi. Qazaqstandaǵy qar barysynyń sany eki ese ulǵaıyp, 190-ǵa jetti. Halyqaralyq seriktestermen birlesip, basqa da sırek kezdesetin jan-janýarlardyń, atap aıtqanda, suńqarlardyń, Turan jolbarysynyń jáne Prjevalskıı jylqysynyń popýlıasııasyn qalpyna keltirýge kiristik», dedi Memleket basshysy.
Astanada Halyqaralyq sý uıymyn qurý boıynsha konsýltasııalardyń birinshi kezeńi ótedi
Qasym-Jomart Toqaevtyń aıtýynsha, orman alqaptaryn ulǵaıtý Qazaqstannyń ekologııalyq kún tártibindegi basym mindetteriniń birine aınaldy.
«Sońǵy bes jylda bir mıllıon gektardan asa aýmaqqa 1,5 mıllıardtan astam aǵash ektik. Sonyń ishinde shóleıttený úderisin báseńdetý maqsatynda ózbek mamandarymen birge Aral teńiziniń tabanyna sekseýil otyrǵyza bastadyq. Qazaqstan barlyq seriktesterin Sırek kezdesetin jan-janýarlar túrleri men bıoalýantúrlilikti saqtaý halyqaralyq qoryna múshe bolýǵa shaqyrady. Memleketaralyq yntymaqtastyq alańynda ǵylymı zertteýler júrgizilip, ekojúıelerdi qorǵaýdyń tıimdi sheshimderi ázirlenedi», dedi Prezıdent.
Memleket basshysy: Jasandy ıntellekt kómeginsiz ekologııalyq máselelerdi ońtaıly sheshý múmkin emes