Elimizde avtomobıl joldaryn salý men jóndeýge qajetti jol bıtýmyna degen ishki suranys tolyq qamtamasyz etildi. Buǵan Caspi Bitum zaýytynyń óndiristik qýatyn keńeıtý jobasy nátıjesinde qol jetkizildi, dep jazady Egemen.kz.
Joba aıasynda zaýyttaǵy munaı óńdeý kólemi jylyna 1 mln tonnadan 1,5 mln tonnaǵa deıin ulǵaıtyldy. Sonyń nátıjesinde jol bıtýmyn óndirý kólemi de 500 myń tonnadan 750 myń tonnaǵa deıin artty. Bul – Energetıka mınıstrligi júzege asyryp jatqan munaı óńdeý salasyn damytý tujyrymdamasy sheńberinde iske asqan alǵashqy joba.
Qazir Qazaqstanda jol bıtýmyn óndiretin jalpy qýaty jylyna 1,6 mln tonna bolatyn 4 zaýyt jumys istep tur. Kólik mınıstrligi men «QazAvtoJol» kompanııasynyń málimetine sáıkes, 2026 jyly ishki naryqtyń qajettiligi shamamen 1,1 mln tonnany quraıdy.
Osylaısha, qoldanystaǵy óndiristik múmkindikter eldiń jol bıtýmyna degen suranysyn tolyq óteýge jetkilikti.
Caspi Bitum zaýyty jol salýshy kompanııalardan suranys túsken jaǵdaıda ónimdi qajetti kólemde shyǵarýǵa daıyn ekenin málimdedi.
Salada qabyldanǵan sharalar otandyq jol-qurylys kompanııalaryn bıtýmmen turaqty qamtamasyz etýge múmkindik beredi. Sonymen qatar bul bastamalar ımportqa táýeldilikti azaıtyp, munaı ónimderiniń ishki naryǵyndaǵy turaqtylyqty nyǵaıta túspek.
Jol-qurylys salasy otandyq bıtýmmen tolyq qamtamasyz etildi